وأنا كمان

بفضل الله ..رفعنا رؤسنا وبانتظار ان ترتاح قلوبنا

2011-03-20T14:43:00.000-07:00

كلام كتير مش لاقية منه غير جملتين ...الحمد لله
الحمد لله ॥ثم الحمد لله
الحمد لله اللي مكن لنا خروج الطاغية من الحكم
ونثق بربنا الكريم العظيم ॥الرحمن الرحيم انه هايريح قلوبنا وقلوب اخواننا الليبين واليمنييين
ويمن عليهم بالنصر
آذركم الله ...هو مولاكم ونعم الوكيل

مصر هي بلدي ......

2010-09-17T07:32:00.000-07:00

كل سنة وانتوا طيبين

كنت عايزة اكتب حاجات كتير لكن قولت في الاول اقفل الموضوع اللي في البوست اللي فات

الاول وبعدين ابقى اكتب اللي جاي على بالي

طيب كنت عايزة اقول ايه ...اني رجعت احب مصر زي الاول ؟؟!!...

انا اصلا متوقفتش عن حبها

اني مش هازعل منها تاني وانها بقت زي الفل؟؟!!

معتقدش ان في حد هايصدقني ..

طيب انا عايزة اقول ايه ؟؟؟

تعالوا بس الاول نستعرض بعض الردود اللي جات لي لما نشرت الموضوع ده على احد المنتديات

وعلى المدونة هنا وبعدين ابقى اقول انا كنت عايزة اقول ايه بالظبط :

دكتور أحمد صاحب مدونة وجه جديد:

رد باشمهندس أحمد (محب الصداقة):

دلوقتي بعد الردود دي قعدت افكر انا كنت كاتبة الموضوع الاولاني مش لاني ناقمة على مصر لا ابدا

انا كنت كاتباه لأني باحب مصر و مكنتش عايزة حبها ده في قلبي يقل بس مش أكتر

يمكن اتكلمت عن عدم حبي لبعض ناس مصر اللي مخلينها وحشة بس الجزئية بجد فكرت فيها جامد بعد

ما قريت رد م. أحمد عن ان مكة كانت بلد كفار لما اخرج اهلها الرسول صلى الله عليه وسلم

ومع ذلك فضل يحبها ...حاجة تانية في رد د.أحمد على نفس الموضوع على المدونة

وهي ان

"هي ايه مصر غير
الوالدين و الأعمام و الاخوال و الأصحاب
و الجيران و الاحباب و الابناء

و سجلي جنبهم ذكريات و وجوه البسطاء"

دلوقتي انا كنت عايزة اقول ايييه ..آه افتكرت

احنا ليه المفروض نحب البلد دي ؟؟؟

في اسباب كتير زي بلد اهلنا و ترابها عظام آبائنا و..و..

طيب دي فعلا اسباب وجيهة لكن في سببين بصراحة يخلوني ارجع اقبل على محبتها بكل اللي اقدر عليه

اولا :

لأن كل بلد فيها وفيها حتى اكبر البلاد قوة وثراء فكثير من مواطنيها يشكون من اشياء كالتأمين الصحي

والبطالة و عدم تأمين مسكن ثابت مع فارق مجهودات الحكومة لكن المشاكل هنا وهناك

ثانيا :

في ناس دفعت حياتها ودمها عشان انا اعيش في مصر حرة مصر كويسة ودول من حقهم علينا ان

احنا نحاول نرد ليهم الدين في الناس اللي ضحم بحياتهم عشانهم ونرجع نصلح في مصر تاني

ثالثا :

في البلدان المتقدمة مش هتلاقي ثواب الاصلاح بالشكل الموجود هنا

رابعا :

لأن بجد البلد دي فيها ناس كويسة جدا مهما قلت نسبتهم او مهما اسودت رؤيتنا الناس دي بينوروا حياتنا

خامسا:

عبد الرحمن واحمد واحمد ومريم وسيف وريتاج

دول ولاد أخواتي ....دول الجيل اللي جي اللي من حقه علينا انه يلاقي وطن قوي وكويس يعيش فيه

هما وكل مولود جي من حقهم علينا يلاقوا وطن وعشانهم لازم نرجع نحب مصر

لأننا مش هانقدر نستلف لهم وطن ..لأن الاوطان المستعارة تعيير موطنيها

و لأن في الاول والاخر دي بلدهم من حقهم يعيشوا فيه ويحبوه يديهم وياخد منهم

وطن ينتموا ليه وينتموا ليهم ....عشان كده انا هارجع احب احب مصر

هو اللي بينا ايه ؟؟؟

2010-06-23T11:25:00.000-07:00

سمعت معلومة زمان مفادها إن الطفل اللي بيرضع طبيعي أكثر ارتباطا لأمه وكلما زادت فترة الرضاعة كلما زاد انتماء الطفل لأمه

قعدت افكر في المعلومة دي وانا بسأل نفسي هو انا ليه باحب مصر؟؟

زمان كنت اقعد اتخانق انا وواحد صاحبتي عن علاقتنا بمصر واقولها لأ دي بلدنا لازم نحبها

تقولي اديني سبب أقولها محدش بيحب امه بأسباب والكلام بتاع الافلام ده

كنت آخر لما اتزنق في الكلام معاها اقولها حبي البلد بعيد عن الناس اللي بيبوظوا فيها

وتاخدني الحماسة و اقولها متقولش ايه ادتنا مصر قول هاندي ايه لمصر واحنا مش بندي ليها حاجة وبالتالي نقعد ساكتين

دلوقتي حقيقي حاسة ان مصر ادتنا على قفانا

انا معدتش عارفة احبها ازاي ..حد من الناس اللي لسة بتحب مصر تقولي

سبب يخليني افضل احبها غير انها بلدي من فضلكم ..عارفة انها بلدي وانها غلبانة

وانها صابرة على قرف الناس اللي فيها الناس اللي انا معدتش عارفة افصل بينهم وبين البلد زي ما كنت

عاملة زمان

طب البلد نفسها وحاجات كتير فيها معدلناش فيها حجات كتير بقت مش لأهلها

حقيقي مش عارفة افصل ما بين البلد وناسها طب هافصل بينها وبين مين والا مين .....

الفساد معادش مسؤل كبير ولا رجل اعمال واصل لأ الفساد بقى في موظف صغير ممكن يكون جارك حتى قريبك

فرد من افراد الامن المركزي اللي بيسلوا نفسهم في غير الوقت اللي بيخوفوا بعصيانهم اخواتهم في الشعب

بمعاكسة بنات زي اخواتهم ...الا من رحم ربي

بقى في شحات واقف يشد في ديل سايح وآخد من رمضان موسم شغل

بقى في عامل بسيط أو تاجر بيغلوا على الناس عشيتهم

بقى في عسكري مرور بيفتري على الناس بالجاكت البرتقالي والدفتر الاحمر

ناس اقرب ما يكونوا إليك

بقى فينا يوم ما بنسيب الفساد ده يستشري و بنتفرج بمنتهى السلبية مش ببرأ نفسي بس محتاجة لسبب يخليني

أرجع احس بأني مهتمة بالتغيير في البلد دي للأحسن ..عايزة ارجع اشوفها زي ما كنت باشوفها زمان

عايزة اشوفها وطن ..النعمة اللي اتحرم منها ناس كتير يتمنوا بس لو يقولوا ان لينا وطن

عايزة افتخر وانا باقول اني مصرية ..مش حاسة اني من أرخص البني آدمين في سوق المواطنين

عايزة سبب يخليني احس ان مصر مرضعتنيش لبن صناعي مغشوش

ربنا يصلح حالك وحالنا يا مصر ..

ساكني الظلام

2010-05-23T08:25:00.000-07:00

هو أنت ليه عامل كده؟؟

مكسور؟؟

ما جوا منا كلنا حجات كتير متكسرة

و حبة سنين متبعترة

جوانا نفس الكركبات

برانا نفس المشكلة

ايه الجديد ؟؟...

فاكر برفضك للحياة

الكون هايرفض الانبساط

والشمس لما تستتر من ضيها

هاتكسف و تمشي تندب حظها

مش فارقة ويا الكون تكون

ولا فارقة ويا الضلمة تسكن حضنها

الضلمة مش بتشوف بتبلع مين

مسكيييييييييييييييييييييييييييييييييييييين

نقي اكبر حيط و ارزع فيه دمغاك بالقوي

واوعدك ولا الهوا حتى هايسئل انت فين

ربي وربك الله

2010-03-01T20:56:00.000-08:00

اللهم أهله علينا باليمن والايمان والسلامة والأسلام

ربي وربك الله

"دعاء رؤية القمر "

ربي وربك الله

وَاخْفِضْ جَنَاحَكَ لِلْمُؤْمِنِينَ

2009-09-28T23:58:00.000-07:00

في إحد الدروس قيل لنا أنه عندما درس علماء النفس اسباب النجاح وجدوا أن الانسان الناجح هو منتخلو شخصيته مما يسمى بالــ ego أو بمعنى مبسط الغرور أو الأحساس بعلو الذات أو بالأنا
بقابل ناس كتير ولا أبرئ نفسي عندها مشكلة في الاعتراف بالخطأ ..وإذا أعترفت فعندها مشكلة أكبر في الأعتذار ناهينا عن التوقف عن الخطأ إن كان مستمرا أو حتى التسامح والعفو إن كان الخطأ صادر عن الآخر
أحسب جزء كبير من مشاكلنا عموما يرجع لتلك النقطة تلك الأنا ...فإذا رأى الانسان نفسه في قدرهاالطبيعي استقامت له الأمور
تعالوا لنرى أثنين متخاصمين يعرض هذا ويعرض هذا وخيرهما الذي يبدأ بالسلام
يحرص البعض عند حدوث مشكلة ما أن لا يبدأ بالسلام ..و قد تجد تلك الجملة "أأنت عايزني أنا ؟؟أنا؟ّ؟ّ!ّ!ّ!اللي أصالح مش ممكن طبعا" سبحان الله هل ترتفع نفسك إن بدأك الآخر بالسلام ؟؟؟!!!لا يحل لرجل أن يهجر أخاه فوق ثلاث ليال ، يلتقيان : فيعرض هذا ويعرض هذا ، وخيرهما الذي يبدأ بالسلام
الراوي: أبو أيوب الأنصاري المحدث: البخاري - المصدر: الجامع الصحيح
يعني لو أخ ليك غلط فيك هايكون أكبر من غلطة قريب أبو بكر-مسطح بن أثاثة - في أبنته وأمنا السيدةعائشة رضي الله عنهم أجمعين في حادثة الأفك عندما خاض مع الذين خاضوا وكان أبو بكر رضي الله عنه ينفق عليه ..أعتقد مافيش أكبرمن كده ..ومع ذلك عندما حلف ألا ينفق على مسطح نزل قول الله تعالى :
بسم الله الرحمن الرحيم "وَلا يَأْتَلِ أُوْلُوا الْفَضْلِ مِنكُمْ وَالسَّعَةِ أَن يُؤْتُوا أُولِي الْقُرْبَى وَالْمَسَاكِينَ وَالْمُهَاجِرِينَ فِي سَبِيلِ اللَّهِ وَلْيَعْفُوا وَلْيَصْفَحُوا أَلا تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ "النور 22
فعاد إلى الإنفاق محبة في أن يغفر الله له رضي الله عنه
ألا نحب أن ننفق العفو بيننا محبة أن يغفر الله لنا
ولأن من صفات الذين يحبهم الله ألا يرفعوا من أنفسهم على المؤمنين
بسم الله الرحمن الرحيم
يَا أَيُّهَا الَّذِينَ آمَنُواْ مَن يَرْتَدَّ مِنكُمْ عَن دِينِهِ فَسَوْفَ يَأْتِي اللَّهُ بِقَوْمٍ يُحِبُّهُمْ وَيُحِبُّونَهُ أَذِلَّةٍ عَلَى الْمُؤْمِنِينَ أَعِزَّةٍ عَلَى الْكَافِرِينَ يُجَاهِدُونَ فِي سَبِيلِ اللَّهِ وَلاَ يَخَافُونَ لَوْمَةَ لائِمٍ ذَلِكَ فَضْلُ اللَّهِ يُؤْتِيهِ مَن يَشَاء وَاللَّهُ وَاسِعٌ عَلِيمٌ المائدة 54
ومن صفاتهم أيضا الرحمة بينهم
قال تعالى : بسم الله الرحمن الرحيم

." مُّحَمَّدٌ رَّسُولُ اللَّهِ وَالَّذِينَ مَعَهُ أَشِدَّاء عَلَى الْكُفَّارِ رُحَمَاء بَيْنَهُمْ تَرَاهُمْ رُكَّعًا سُجَّدًا يَبْتَغُونَ فَضْلا مِّنَ اللَّهِ وَرِضْوَانًا سِيمَاهُمْ فِي وُجُوهِهِم مِّنْ أَثَرِ السُّجُودِ ذَلِكَ مَثَلُهُمْ فِي التَّوْرَاةِ وَمَثَلُهُمْ فِي الإِنجِيلِ كَزَرْعٍ أَخْرَجَ شَطْأَهُ فَآزَرَهُ فَاسْتَغْلَظَ فَاسْتَوَى عَلَى سُوقِهِ يُعْجِبُ الزُّرَّاعَ لِيَغِيظَ بِهِمُ الْكُفَّارَ وَعَدَ اللَّهُ الَّذِينَ آمَنُوا وَعَمِلُوا الصَّالِحَاتِ مِنْهُم مَّغْفِرَةً وَأَجْرًا عَظِيمًا" الفتح 29
وبعدين تعالوا نفكر كده شوية أولا هو مين أنا يعني يقول رسول الله صلى الله عليه وسلم :
لايدخل الجنة من كان في قلبه مثقال ذرة من كبرالراوي: عبدالله بن مسعود المحدث: مسلم
فنشيل من نفسنا كلمة أنا دي ونخلينا في كلمة إخوة وونحاول نغلق على الشيطان مداخله بيننا
يقول تعالى :
بسم الله الرحمن الرحيم
"وَقُل لِّعِبَادِي يَقُولُواْ الَّتِي هِيَ أَحْسَنُ إِنَّ الشَّيْطَانَ يَنزَغُ بَيْنَهُمْ إِنَّ الشَّيْطَانَ كَانَ لِلإِنسَانِ عَدُوًّا مُّبِينً"ا سورة الاسراء 54
الشيطان يحاول النزغ ما بينك وما بين عباد الله بعضهم وبعض لذا كان أوجب لهم أن يقولوا التي هي أحسن حتى يسدوا على الشيطان مداخله ..
وأخيرا حكاية حدثت أيام الرسول صلى الله عليه وسلم :
حدث أن تشاد أبو ذر الغفاري وبلال بن رباح رضي الله عنهما فقال له أبو ذر الغفاري يا ابن السوداءيعيره بأمه وكانت أمه أعجمية فشكاه بلال إلى الرسول صلى الله عليه وسلم ، فقال لي النبي صلي الله عليه وسلم ( يا أبا ذر أعيرته بأمه؟ إنك امرؤ فيك جاهلية ، إخوانكم خولكم جعلهم الله تحت أيديكم ، فمن كان أخوه تحت يده فليطعمه مما يأكل ، وليلبسه مما يلبس ولا تكلفوهم ما يغلبهم ، فإن كلفتموهم فأعينوهم) أخرجه البخاري .فما كان من أبو ذر عندما صوبه النبي خطأه إلا أن وضع خده علي الأرض.. وقال لا أرفعه حتىيطأه بلال بقدمه علي مرأى ومسمع من الصحابة يا الله يضع وجهه تحت قدمي بلال لكي يسامحه لله دره
وما كان من رد فعل بلال المعير بأمه من قريب إلا أن عفا ونسى الخطأ في حقه.. وقال ما كانلي إن أطأ وجها سجد لله.
لله درهم سبحانك اللهم وبحمدك أشهد أن لا إله إلا أنت أستغفرك وأتوب إليك

اسمها مروة ...ممكن نجيب حقها ؟؟؟

2009-07-07T13:49:00.000-07:00

واحدة صاحبتي كانت بتحكيلي الموضوع كنت فاكرة الجزء الخاص بقلة الأدب في

المبلغ اللي حكم بيه القاضي بس معلش انا جاهلة ومش عارفة هناك بيحكموا بايه في

الظروف اللي زي دي .....لما الحكومة الألمانية متقدمش أي اعتذار لأن ده حادث فردي

طب مقتل مروة قدام الناس من غير ما حد يتحرك يدافع عنها غي جوزهاحادث فردي

برضه الضابط اللي دخل وضرب على جوزها النار لأنه طبعا مش أبيضاني وبعيون زرق

وباين عليه انه مسلم وبرصاصتين مش رصاصة واحدة حادث فردي .....يبقى بيتهيألي لازم

ناخد موقف من الحكومة الألمانية انا فعلا حاسة بغضب فظيع من الحكومة المصرية أكثر من

الحكومة الألمانية بس للأسف هنقاطع ايه في مصر البضايع وجاية من الصين والقمح وجاي من

بلاد منعرفش شكله ايه ومش فاضل غير إننا نقاطع الهوا اللي بنتنفسه اللي اقصده إن أحنا نعمل

لمواطنينا برة تمن طالما الحكومة مش عارفة تعملهولنا نعرفهم إن دم ولادنا وإخواتنا غالي ...بس

عشان الحوادث الفردية ميتكررش كتير وميتمش التعامل معاه بالبرود ده ......وبعدين حوادث ألمانيا

مع الاسلام مش حاجة جديدة ........

ممكن اقول يعني نبعت أعتراضات للسفارة الألمانية

ممكن اقول نبطل سلبية ونحاول نوصل صوتنا للناس اللي برة

>>> لينك للتواصل مع ميركل المستشاره الالمانيه هنا يمكنك الكتابة بالعربية

ونعرف الناس دي ان الست اللي ماتت دي ليها أهل مش هاقول نحاول نضغط هنا على المسؤلين

عشان يجيبوا حقها بس ممكن يعني أطلب إن أحنا نقاطع البضايع الالمانية الناس اللي دايما

بنسمع عن عنصرية كتير منهم وإسائتهم للمسلمين ممكن نحاول ندعيلها بالرحمة وإن ربنا يصب

ر أهلها وندعي لابنها ربنا يهديه ويكون معاه يا ريت اللي عنده حاجة ممكن نعملها يقولها ونحاول

نجيب جزء من حقها ونعرف الناس ديإن لينا تمن حتى لو حكومتنا مش عملالنا سعر ....يا ريت نبعت

دعوة بمقاطعة ا لبضائع على الأيميل

حسبي الله ونعم الوكيل........ حسبنا الله ونعم الوكيل

افعل شيئا يا مت

2009-06-06T12:53:00.000-07:00

مسرحية للكاتب التركي الساخر عزيز نيسن ........كتابات هذا الرجل (ما قرأته منها )تحمل من الألم

الضاحك والعبقرية في الابتكار ما يسحرك حقا لكن هذه المسرحية تميل بشكل غريب للكآبة

وبالرغم عن ذلك فهي تحوي عبارات رائعة تلك التي تجعلك تتوقف عندها لتعيد تأمل حياتك

تدور المسرحية في إطار خيالي عن مت الذي وصل إلى سن توقف النمو ومن ثم لابد وأن يعاينه الطبيب ليحدد

كم سيعيش أو ليقرر إن كان يجب أن يتناول مت السم ...ويتوقف حياة مت أو تناوله السم على أن يفعل شيئا

أي شيئ يفيد من حوله ويرد به الدين لمن سبقوه ومدوه بما ييسر حياته

يقف مت حائرا فهو لا يعرف ما يفعله ليعيش و ويبدأ بالتظاهر بأنه يريد الموت فيما تسري بعروقه غريزة البقاء

و يظهر ذلك في تلك النقوش التي يلوث بها جدران المنزل ويرفض الآعتراف بأنه ورائها فقط ليترك شيئا

لكن ذلك لا يفيد ....يفكر مت في سرقة ما يحاول جده- المحب للعيش- فعله لكي يعيش لكنه لا يستطيع شرح كنه تلك العلبة

الوردية التي يحاول جده جمع ظلام الدنيا بها وذلك كي يحول بين الظلام وبين عامة الشعب الذين يعيشون دون يعاينهم الطبيب

لأنهم لا يعلمون قيمة الحياة لأنهم عاشوا ليموتوا .....

فجأة يقرر مت أن يخرج لعامة الشعب الثائرين الذين يريدون قتله لكي يوضح لهم جهلهم ...

يخرج إليهم بالفعل ويحدثون به إصابة مميته ...ويدخل مت لبيته مرة أخرى ليلفظ أنفاسه الأخيرة لكن بعد أن يعلم الغوغاء بأمر جهلهم

وبأنهم يجب أن يعيشوا لأجل هدف وأن يعملوا شيئا وإلا فسيظلون في الظلام ...

وبذلك يقرر الطبيب أن مت سيعيش لما فعله ربما أطول من أشخاص آخرين

القصة كما ترون رمزية تجعلك تتفكر فيما تعمل وما الهدف من وراء أعمالك وما تقدم لتلك البشرية لتعيش ....لا يهم أن تعيش بأسمك

أو أن يخلد أسمك بل بفعلك كيف تخلد بفعل يرد للبشرية ما عليك من دين لمن سبقوك ...

للذين يعيشون بأجواء ما يقرأون ربما تحمل المسرحية جو كئيب بارد بعض الشيء

لكن عبقرية جملها تغفر لها ذلك الجو الثقيل ......

إن شاء الله أحاول أنزل لكم مسح ضوئي لأول القصة به ملخص أفضل من ذلك لها

يقولون رحل

2009-05-04T13:41:00.000-07:00

بدا الجو مشحونا ً هناك شيء ما يعيث توترا في الجو صوتنحيب يأتي من بعيد يخبرهم بموته ،بالرغم عن ان جميع الموجودين لا يهتمون لموته أو حياته سرعان ما سيبدأونمراسم الدفن ومن ثم مراسم التتويج لكن ذلك لم يمنع منتسمرهم لدقائق يستوعبون فيها ما يحدث ،لقد مات ..بعد أن جثم على أنفاس المملكة زمنا طويلاً ظن فيها أهلها أنه يمتلك عمر أبليس ،ربما هو لن يموت ،لكنه مات رغم كل شيء أخيرا قد أثبت بشريته ، انتشر الخبر داخل البلاد وبدا أن الشعب يرفض التصديق لقد توحد وجوده الطاغي بكيانهم شيء فشيء بدا اليقين يتسلل ليحتل شيء من العقول فبعد كل شيء هو فان وهذا يعني أنه يجب ان يموت ...بدا موته للشعب وكأن عصرالمعجزات قد جاء ،أحد منهم لم يفكر أن سيستغرقهم دهرا طويلا ربما أحقابا آخرى لتحدث معجزة أخرى ليموت الملك الجديد ....يقولون رحل ...لكنه لم يفعل إلا بعد أن أخذ منهمذلك النبض بكيانهم ...يمكنه الرحيل دون أن يضايق ولي عهده أحد ..حتى يثبت- الملك الجديد - بشريته هو الآخر ليرحلمخلفا ولداً آخر يحكم ذلك الكيان المنهك .

أرحموا يتيم أم ذل

2009-03-24T10:43:00.000-07:00

يمكن موضوعي ده متأخر حبتين

لكن بجد عايزة أتكلم فيه

مش هاقعد أتكلم وأعيد وأزيد في فايدة أو عدم فايدة الأعياد الموضوعة ولا حكمها الديني

ولا حتى إننا نراعي الترجمة الصحيحة للكلمة باللغة العربية فنقول يوم الأم بدل من عيد الأم

ولا إن الله يسامحه على أمين وأخوه لأنهم المفروض كانوا ياخدوا عمولة من بياعين الورد والهدايا على

الأعياد البدعية اللي دخلوها علينا

كل الحاجات دي متفرقش من بعيد أو قريب في الموضوع اللي هاتكلم فيه

خلونا في المهم ...اليوم ده بيعدي إزاي على يتيم الأم - حفظ الله أمهاتنا من كل سوء- بس بجد الموضوع

صعب قوي في ناس بجد بتتجنب تنزل اليوم ده عشان متشوفش عجزها عن تكريم الأم في عيون فرحانه

بهداياها لأمهاتها ....

قالوا بأن اليوم عيد ما جاء فرح أو دعاني

بها يحتفون ويفرحون وأنا وقلبي نشقى بالأحزاني

يا ريت يا جماعة الناس تاخد بالها من الفئة دي كل ما تيجي تتكلم عن الهدية اللي هي جايباها

او حتى لما تتكلم عن حاجة خاصة باليوم ده

بلعهم بكوبايتين أحتسااااب

2009-03-10T12:19:00.000-07:00

بقالي كام يوم عايزة انزل البوست ده أكلم بيه نفسي كالعادة ...الظاهر المدونة مش بتقوم بواجب الضيافة

ايه الموضوع ؟؟...امممممم بصراحة كده ساعات باحس اني مش قادرة...في كلمة في زوري بتضيق عليه عيشته

ومش هارتاح إلا لو قلتها؟؟؟غالبا الكلمة دي طبعا بتبقى كلمة في حق حد متضايقة منه لأي سبب من الأسباب

طيب ايه المشكلة؟؟؟

المشكلة ان زوري بيضيق بالكلمة دي وفي نفس الوقت لو قلتها الحد اللي مضايقني هياخد

حسنات على حسابي يعني يضايقني وكمان ياخد حسنات مني- طبعا ده بفرض اني عندي حسنات وانه

مش هايحط من سيئاته عليا -قعدت استهديت بالله فكرت شوية كده ...ركزت... ايون كده

وقررت قرار خطير أني أحاول امسك لساني

لأني مش مستغنية عن حسناتي ومش ناقصة سيئات لو مكانش عندي

حسنات يعني -سلامٌ قولاً من ربٍ رحيم- و لأني بجد بجد - ده اللي بحاول أقنع نفسي بيه - مش هاتخنق

يعني لو بلعت الكلام اللي عايزة أقوله بكوبايتين أحتساب لثواب ترك الذنوب ....

و اللي عايز يضايقني منه لله

واللي بيجيب في سيرتي .....لأ طبعا مش هاسامحه ...مين دخل الفكرة دي في دماغكم

المهم انا قولت ايه في شوية حاجات كده بتضايق الواحد لما يجي يقلع عن موضوع الغيبة ...يا ريت لو مش قادرين

نبطل غيبة منساعدش على انتشارها ...يعني مثلا من الحاجات اللي بتدفع الواحد للغيبة

- إن واحد بتعزه يشتم شخص قدامك ساعات بيعرف يرد غيبته وساعات مش بيقدر ما هو أصله بيبقى غالبا مفروس من الراجل اللي انتوا مقطعين في فروته ...أو انه محرج منك فبيكتفي بعدم الرد لكن مش بيقدر يرد عن عرض أخوه...يا ريت متشتمش حد قدام واحد ناوي يقلع عن الغيبة

- في ناس مش بتحب تغتاب حد لكن تحت دافع إنه يبين أخلاصه وولائه لمبادئ الصحاب يضطر يغتاب ويجيب في سيرة الناس

ما هو إنت يا من ديشنا يا من ديش العدو

(هنا باقول للي بيحاول يقلع عن الغيبة لا تلومنك في الله لومة لائم وأختار صحابك كويس)

كنت عايزة أقول ايه كمان

امبارح كنت باكلم واحدة صاحبتي جزاها الله خير لفتت نظري للآية الكريمة

بسم الله الرحمن الرحيم

"وَلا يَأْتَلِ أُوْلُوا الْفَضْلِ مِنكُمْ وَالسَّعَةِ أَن يُؤْتُوا أُولِي الْقُرْبَى وَالْمَسَاكِينَ وَالْمُهَاجِرِينَ فِي سَبِيلِ اللَّهِ

وَلْيَصْفَحُوا أَلا تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ "

22 سورة النور

الآية نزلت في سيدنا أبو بكر رضي الله عنه عندما قرر أن يؤتي قريبه الذي شارك في محنة الأفك من ماله جزاء ما فعل

فإذا بالله سبحانه وتعالى يقول له ألا تحبون أن يغفر الله لكم ....فيجيب الصديق رضي الله عنه بلى أحب أن يغفر الله لي

قالت لماذا لا نسامح بعض فما الذنب الذي قد يرتكبه أحد حتى نصاب بتلك العصبية التي تنتابنا على تلك الاشياء التي قد لا تستحق شيئا

وأكملت بأن الله كريم فكم نعصي وكم يغفر ألا نصفح كي يغفر الله لنا ......

يا ريت يا جماعة كل واحد عنده حاجة مضيقاه كلمة او موقف يبلع عليهم بكوبين أحتسااااااااب عسى الله أن يغفر لنا

عسى نكون من الكاظمين الغيظ والعافين عن الناس لأن الله يحب المحسنين

زي ما أنت والله ما أنت قايم ....

2009-02-19T09:46:00.000-08:00

ايه العنوان الغريب ده ....مش عارفة ايه اللي فكرني بالجملة دي لما جيت اكتب الموضوع ده ...جملة غالبا بيقولها الواحد لصاحبه لو جاي يسلم عليه لما يشوفه أو يسيبه عشان ينزل ...والصاحب ده يكون قاعد في مكانه زي ما هو ....

زي ما أنت والله ما انت قايم ....

ايه المشكلة بقى ...لما تيجي تبتدي تغير ....لأ أقصد تطور حياتك وتطور من طريقتك في تناول الأمور وبعدين يطلع واد مش أمور" تامورة شعر الصدر " ويقولك أن طبيعي أنك متعرفش تتغير ولازم لما تتغير ترجع تاني محلك سر ....بس المشكلة مش في تامورة المشكلة في التمامير اللي جواك اللي ساعات يقولولك كوووووووول يا ماااااااان وبييس يا مان

متقلقش دي مشكلة جيل كامل أنت مش لوحدك اللي حاسس أنك مش راضي عن حياتك وأنك مش قادر تغيرها ....

زي ما انت بقى والله ما أنت قايم ...لا يا راجل هو قومتك يعني كانت هاتغير ايه ...

ساعات باحس أن المشكلة في إننا مش بندي لنفسنا فرصة عشان نتغير ....واحيانا بتبقى المشكلة ان الواحد عنده
فراغ يسمح له انه يقعد يسأل نفسه أنا ليه مش قادر اتغير لو كان عنده اللي يشغله كان غير من نفسه بما يتناسب
مع مسؤلياته اللي شاغلاه ......

تقوموا بالعافية - مش هاقول تقعدوا عشان أحنا مش ناقصين قعاد بقى - كل سنة وانتم طيبين

أبو حصيرة وأبو عصفورة

2009-01-16T14:40:00.000-08:00

الحمد لله ابتدت العصافير تطير وبيأكدوا أنهم هايلغوا السنة دي الزيارة الغابرة

بتاعة اليهود لأبو حصيرة الراجل المسلم المغربي الغلبان اللي بعد ما أدفن أفترواعليه

وطلعوه يهودي وحخموه وكل سنة يجوا يزروه و يا سبحان الله على البركة اللي بتنزل

على مساحة تربته كل سنة لحد ما وصل وسعها 8400 متر مربع بعد ما كانت 350 متر

مربع...لا وبيفكروا يعملو فندق جمبها ...تفتكروا عشان يسهلوا على الصهاينة اللي

مبيخلفوش واللي معملوهم عمل عشان يجوا يتبركوا أصل هي ناقصة ...من قلة الأضرحة

والشرك المحلي كمان هايبقى شرك صهيوني وأحنا هبل عشان نصدق في ان اليهود بيصدقوا

طبعا في ابو الكرامات اللي حاخموه وجابوه عايم على حصيرة من بلاد المغرب العربي

لغاية دمنهور طب يسيبوا الكلام الأهبل ده للناس اللي ربنا يشفيها وبتصدق الكلام ده عندنا

يعني دور مجاذيب السيدة اللي بيلعبوه ده مش لايق عليهم

اللهم أنصرنا وريحنا منهم بقى

حملة لنصرة غزة

2009-01-10T06:46:00.000-08:00

تبرع بيوم لأجل غزة (حملة لدعم غزة )

**أرقام حساب لجنة الإغاثة الإنسانية التابعة لنقابة الاطباء المصرية :
261363 بنك فيصل الإسلامي
- 20737/3/1 بنك قناة السويس
-500555 البنك الوطني
المصري العنوان :
دار الحكمة - 42 ش قصر العيني القاهرة تليفون : 27949946 - 27943166

نقابة الزراعين بالأسكندرية تقبل التبرعات المادية والعينية
وبايصالات رسمية عنوان النقابة:
5 شارع الدكتور عبد الحميد بدوى جامع ابراهيم محطة الرمل لجنة الاغاثة الزراعية

يا ريت يا جماعة الناس تدخل على الموقع ده (موقع جائزة نوبل)
نبعت لهم أعتراضات على منح شيمون بيريز جايزة نوبل عام 1994
ونطاب بسحب الجائزة منه ممكن منعملش حاجة بالاعتراض ده بس نبقى
سمعنا صوتنا للناس اللي برة يا ريت برضه نعمل أي حاجة على الـface book بالانجليزي
أو أي لغة تانية نعرف العالم ايه اللي بيتعمل فينا ...لو حد يقدر يبعت e-mail بالصور
لمعارفه من أنحاءالعالم
دي فكرة أختي بعد ما اتفرجت على برنامج الطبعة الأولى
أدخلوا على طول على contact us ومنها أبعتولهم على الايميل الموضح لو مش شغال أفتحوا
الأميل وابعتولهم على العنوان ده postmaster@nobel.noوهما كمان حاطين الفاكس بتاعهم
لو حد حابب يبعت لهم على الفاكس Fax: (47) 22 12 93 10

عشان غزة وغير غزة

2009-01-04T14:20:00.000-08:00

الحقيقة أنا من أول ما الموضوع ده أبتدا وأنا حاسة بحالة غريبة جدا
إحبااااااااااااااط ممزوج بشئ من اللامبالاة الموجعة والمقرفة
مش عشان اللي بيحصل في غزة بس لأ عشان كما اللي بيحصل في نفوسنا
يقول تعالى :بسم الله الرحمن الرحيم
"لَهُ مُعَقِّبَاتٌ مِّن بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ
اللَّهِ إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنفُسِهِمْ وَإِذَا أَرَادَ
اللَّهُ بِقَوْمٍ سُوءًا فَلاَ مَرَدَّ لَهُ وَمَا لَهُم مِّن دُونِهِ مِن وَالٍ "
سورة الرعد الآية 11
بصوا يا جماعة عشان ما أطولش عليكم
مش هاقعد أقول ان المصايب بتصيبنا بذنوبنا وكل واحد بيعمل ذنب
ينوي يبطله نصرة لأخوانه في فلسطين ولا هاقول
للي بيشرب سجاير - بعيدا طبعا عن أنه بيدعم أقتصاد أسرائيل بجزء من تمنها

يبطلها هو اللي بيشتري منتجات يهودية - أن ذنبك ده بيصيبنا بيه مصيبة
ولا للي بتنزل من بيتها مش مراعية حدود ربها أن اللي بيحصل ده بذنبها
ولا للي بيغتابو في الناس عمال على بطال...ولا ..ولا ...ولا لستة طويلة
من الذنوب اللي أنا نفسي ربنا يعافيني من بعضها ...
مش هاقول الكلام ده كله
عشان البعض مجرد ما هاقول الكلمتين دول هايطلع ناس تقول
ياسـ لام هي دي المشكلة ماهم بيعملوا بلاوي ومع ذلك مبرطعين في الأرض

طيب خلينا في المفيد الناس دي قويت بأيه ؟؟

إتقان العمل >>كام موظف عندنا شايف شغله في ناس ماشفتش شغلها

ولا عرفته إلا لما خصخصوا مؤساساتهم وباعوا البلد..

كام واحد بيراعي ربنا في المسمى الوظيفي له كام واحد بيعمل اللي عليه بجد

بالعلم >>كام واحد بيحط في نيته نصرة الدين وهو بيذاكر

كام واحد بيطلب العلم لرفعة بلده

هو ليه اسرائيل البلد الوحيد - في نطاق علمي - اللي ملهاش فريق

كمان الناس دي مبتنساااااااااااااااااااااااااااااش

الرسول بعث مذكر ...لأن الذكرى بتنفع المؤمنين

للأسف بقينا ننسى ...إنما هما مش بينسوا

مش بنذكر نفسنا في الوقت اللي كل يوم بيسمعوا فيه لبعض أهدافهم

قــصـاصـات*

بأيه تاني ...اللي شايف أسباب تانية من فضلكم يدخل يقولها عشان

عايزيين ننصر دينا وغزة وغير غزة بشكل عملي لو سمحتم

يا رب أعنا على نفوسنا حتى لا تعن أعدائنا علينا

--------------------

*بالرغم من أحترامي للملكية الفكرية للناس اللي مش بتحب تداول

أعمالها بالشكل ده لكن فعلا أنا شايفة أن القصة دي هايكون مفيد قوي

لو قرأناها

سبحانك اللهم وبحمدك أشهد أن لا إلأه إلا أنت أستغفرك وأتوب إليك

أنا ونفسي

2008-12-14T20:07:00.000-08:00

كنت أحب دائما مراجعة نفسي والتحاور معها (نعم أكلمها هل لدى أحدكم مانع)...للأسف لسنا على وفاق تام حاليا كلتانا تتجاذباني ....كلتانا لا تجد الأخرى ....حاولت أن أحادثها لأعرف ماذا تريد وفيما أختلافها عني كي نتوحد ثانية....أريد أن أعرف ماذا دهاني ...فتشت عنها ..فقط لأجدها طفلة لا تعرف ما تريد ....طفلة تضيق خناقها عليّ تجاهد - (في الخباثة كما يقولون) -للخروج من قفصي الصدري ...حقا لا أعرف ما دهاني كلما بدأت في التركيز ظلت هذه الطفلة تنشد شيئا ما شرط أن يخالف رغبتي في التركيز .....هكذا نتصارع أحيانا لا هي تكسب ولا أنا اخسر فقط ذلك التعادل الكريه ...وأحيانا لا تتخلى عن إصدار الاوامر والتشبث بما تريد ...ا فقط لاتعب من مدافعتها ومحاولة ردها من حيث أتت .

حقا لا أعرف لما تعمل على إغاظتي وإخراج لسانها لي ....من تظن نفسها ...ألا تعلم أنها تغيظ نفسها ...يبدوا أنني بدأت أفقد المنطقية في كلامي لذا فالأكتفي بهذا القدر ...
هدانا الله وإياكم سبل الرشاااد ...

من غير صورة

2008-12-13T10:00:00.000-08:00

كل ما اكتب بوست ...أقعد أدور على صورة مناسبة له ....والصورة دي تليق وإلا لأ ...

ودي تليق بس مش حلوة ...والصورة دي حلوة بس متليقش ...وهكذا ..

كل ده من غير ما آخد بالي من حاجة صغيرة ...في ناس فعلا بتتضايق لما حد يا خد الصور أو

التصميمات اللي هي بتعملها ...في ناس مش بتفرق معاها آه بس في ناس بتفرق معاها جدا ...

وللفئتين أنا باقدم شكري وأعتذاري ..... وتقديري .

كل سنة وأنتم طيبيين ومن ربنا قريبين

2008-11-27T18:33:00.000-08:00

الصراحة كنت عايزة أعمل موضوع عن العشر الأوائل من ذي الحجة وفضلهم
بس الصراحة مكسلة وما فيش وقت ...أنتوا طبعا عارفين فضلهم وكفاية
أن فيهم يوم صيامه بيكفر سنتين
(يوم وقفة عرفات )...المهم أنا كنت جاية أقولكم ايه أقولكم ايه
أقولكم كل سنة وأنتم طيبيين ومن ربنا قريبين
بمناسبة ان يوم السبت أول يوم ي ذو الحجة
ومتنسوش الدعاء للأمة بالاصلاح على الأفطار
كل سنة وكلكم بخير وصحة وسلامة
تحديث :
دي هدية من هنا حبيبة قلبي بالمناسبة دي رابط لمحاضرة عن فضل العشر
الاوائل على موقع الاستاذ عمرو خالد هنا

صبرك حبة

2008-11-22T14:56:00.000-08:00

لما تحس الكون الواسع أضيق من عش العصفور

إن الأرض معاندة الشمس وحواليها مش راضية تدور

وأنك في النص اللي الضلمة غالبة عليه ومش طايل النور

فرج الرحمن منك قرب فاهدى وخلي القلب صبور

بعثر حطم ..

2008-11-05T06:43:00.000-08:00

بعثر حطم كل الأشيـــــــــــــــــاء
لتضع العمر بني هبـــــــــــــــاء
ما عاد يفيد النصح بشــــــــــيء
ما لم تردع فيك الأهـــــــــــــواء
إن تكسر في نفسك أمـــــــــــــــلاً
أن تجهض كل الأمنيــــــــــــــــات
أن تجعل من عقلك وغـــــــــــــــدا
يغتل أحلام الفـــــــــــــجر الــــــآت
تتمخض أيامــــــــــــك زيـــفــــــــاً
وتضيق النفس تتوه الــــــــــــــذات
فلتترفق بسـاعــــــــــــات العمــــــر
وتجنب نفسك شـــر شقــــــــــــــــاء
ولترحم أيامــــــك ولــــــــــــــــــــدي
فما للعمر إلا لــفنــــــــــــــــــــــــــاء
إن تحكم نفســــــــك تنـقذهـــــــــــــا
إن فيها تبث الحــق ضيــــــــــــــــاء

لــقــــطـــــــــــــــات

2008-10-18T14:50:00.000-07:00

عبور

على هامش الحياة ...وكأنه لم يكن ...لم يترك ما يمكن أن يقال عنه ..فقط عاش ليموت ...

لا ...لا أعتقد أن هناك شيءآخر ليذكر عنه، إن ذلك بالتأكيد لهو أفضل من أن يترك أثرا

سيئا ...لكن في الحقيقة مازلت أشعر أني أضيع وقتي في ذكرتلك العبارات عنه ....

ـــــــــــــــــــــــــــــــــــــــــــــــــــــــــــــــــــــــ

عقــــــــــــــــــــــــــاب

أردت أن أرى انكسار نفوسهم ...ربما أفلحت ....تلك النظرة على وجوههم ...
لابد وأنهم يعانون عذاب يفوق طاقتهم ...أتمنى أن يستغرقوا الكثير ليتجاوزوا
أطلال الانسان بداخلي ....وحطام حياتي التي عملت على تدميرها
بنفسي فقط لأرى تلك النظرة ... ربما عاقبتهم ...
لكن ما بقي لي من كياني........

لم يسمح لي بفرحة الانتصار.

عندك فكرة؟؟؟

2008-10-10T11:49:00.000-07:00

السلام عليكم ورحمة الله وبركاته

بمناسبة عيد ميلاده العاشر قرر الأخ جوجل أيون محرك البحث الرائع أنه

يطرح مشروع رائع ألا وهو مشروع

Project 10100

وهو كما يصفونه نداء للافكار التي ستغير العالم عن مساعدة الناس قدر المستطاع

رافعين شعار

May Those Who Help The Most Win

(عسى الذين يساعدون أكثر يربحون)

وفي سبيل ذلك تقدم الافكار للعم جوجل ثم يتم التصويت

من بينها للوصول لأفضل الافكار التي تساعد الناس ....وسيتم إفراد 10 مليون دولار لتنفيذ هذه المشاريع .....طرح الافكار مسموح به حتى 20 أكتوبر 2008

يا ترى عندك أمل أنك تغير العالم للأحسن ؟؟؟

لأن ممكن تدخل فكرتك باللغة العربية هناااااااااك

رابط إدخال الافكار

http://www.project10tothe100.com/submit_your_idea.html

للتعرف أكثر على الموضوع

http://www.project10tothe100.com/index.html

حديد قلبي

2008-10-02T17:39:00.000-07:00

على غرار فيلم الموسم و بما إننا في العيد أقدم لكم حلم العيد بعدما رشحت الضيف أحمد الذي توفاه الله منذ أكثر من

ثلاثين عاما في حلم سابق لعضوية مجلس الشعب بدلا من ابن طلعت مصطفى .....

اليوم أقدم لكم ذلك الحلم الذي يحلو لي تسميته "حديد قلبي ...عز الفضا"

تدور احداث الحلم حول رحلة ينظمها عزعوز للغابة الموجودة بمزرعة المغربي؟؟؟!!!!وبعدين .....

هناك......

هنااك.......

هنااااك.......

هنااااااااااك..........

يتضح انه كان متفق مع فضائين لخطف الناس دي ..........الراجل بقى مجري (من مجرة مش من المجر)

جاااااامد جاااااامد يعني

بس يا ترى الفضائين كانوا عايزينهم في ايه ........هايستخرجوا الحديد اللي في جسمهم ويوردوه له

مش عارفة الصراحة ...مجاش في الحلم حل للسؤال ده ؟؟؟

"وَأَلَّفَ بَيْنَ قُلُوبِهِمْ لَوْ أَنْفَقْتَ مَا فِي الأَرْضِ جَمِيعًا مَا أَلَّفْتَ بَيْنَ قُلُوبِهِمْ "

2008-09-09T20:22:00.000-07:00

بسم الله الرحمن الرحيم

"وَأَلَّفَ بَيْنَ قُلُوبِهِمْ لَوْ أَنْفَقْتَ مَا فِي الأَرْضِ جَمِيعًا مَا أَلَّفْتَ بَيْنَ قُلُوبِهِمْ وَلَكِنَّ اللَّهَ أَلَّفَ بَيْنَهُمْ إِنَّهُ عَزِيزٌ حَكِيمٌ "

الأنفال (63)

هنا الجميلة أخت عزيزة على قلبي من أجمل الشخصيات التي تعرفت عليها من خلال النت وربما في حياتي عموما

هنا عقل واع وقلب كبير وقلم رائع ....فتاة ليبية ....عربية مسلمة ..إذا ما كان لي أن أختار أخوتي لما ترددت لحظة في أختيارها ...عندما دلفت لعالم التدوين على مدونتها الفاصلة تعرفت من خلالها على شخصيات ليبية أخرى كلها تصلح أن تكون أخ أو أخت لك ...مدونين يتوجعون لمثل ما نتوجع منه ويأملون مثل آمالنا ....بشر مثلنا إخواننا

إضافة لأحد صديقاتي التي تمتلك أقاربا في ليبيا تتحدث عنهم وكأنهم إخوتها بالرغم من بعد المسافات ...

وأيضا معرفتي بأحد الدارسات الليبيات أثناء فترة دراستها في جزء من وطن العروبة مصرأحسبها أحبت مصر وأهلها كما أحبها من عرفها ...كل ذلك جعلني

استغرب عند ما قرأت ما كتب عن ذلك الحادث الذي لا أعرف تفاصيله عن مقتل ذلك الشاب الليبي في مصر بتلك اللهجة ...ولا أريد أن أعرف تفاصيله كما لم أرد أن أعرف تفاصيل ما قرأت يوما على أحد المدونات عن أحد الحوادث الذي تعرض له مركب مصري بالمياه الأقليمية الليبية ....ليس لأني لا أهتم لبلدي ولكن لأن ما يمكن أن أعرفه قد لا يفيدني لأن بالنهاية لكل شاكلته التي يعمل عليها فلن نتكلم عن أحد الشعوب وأفرادها قاطبة بقلة منها أو حتى بكثرة فالاستثناء هو القاعدة دائما ...ولن تتحدد سمات شعب بأكمله بأحد أفرادها ...و إن كان يجب فسنحدد الشعب بمن نعرف منه لا بمجموعة لا نعرفها تتطفل على شعوبها تؤلم جسد أي شعب تتواجد به...خاصة عندما يكون الأمر بين شعبين عربيين مسلمين .....الامر عندها يختلف كثيرا و له أعتبارات أخرى

إلا أني لم أتخذ نفس ردة الفعل الايجابية الرائعة للجميلة هنا ...والتي ردت على صاحب المدونة- ذات موضوع مقتل الشاب الليبي- ردا رائعا يعمل على إخماد جذوة الفتنة وقانا الله وإياكم شرورها و أجمل من ذلك اتباعها الجميل للآية القرآنية

بسم الله الرحمن الرحيم

يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ

الحجرات (6)

(لا أرمي أحد هنا بالفسوق وإنما عنيت إعجابي بتصرف هنا حتى لا يحدث أي لبث في الفهم لأحد)

هنا للحق لا أملك تفسيرا لما حدث نظرا لأني حقا لا أعرف ملابثات الحادث...وبالطبع دم
أخ مسلم مؤمن بالله أيا كان جنسيته يحزننا إراقته بأي أرض كانت ولا جدال ولا مزايدة على ذلك

لكن حقا أحزنني ما قيل حقا أحزنني للغاية أن يكون هذا هو الشعور بين أفراد من شعبين متجاورين مكانيا
وثقافيا ...بين مسلمين عرب .... نحن في رمضان وسنخرج منه على أشهر الحج أشهرالمساوة بين المسلمين
وتوحيد صفوفهم فما يجب لنا الالتفات إلى تلك المسائل وأن وجب فلا يكون بذلك الشكل ولا بتلك الطريقة
لن أتحدث في ذلك الموضوع وأنما أخرج منه وأنأى بنفسي عن فتنته إلى ما يجب أن نكون عليه

بسم الله الرحمن الرحيم

وَاعْتَصِمُوا بِحَبْلِ اللَّهِ جَمِيعًا وَلا تَفَرَّقُوا وَاذْكُرُوا نِعْمَتَ اللَّهِ عَلَيْكُمْ إِذْ كُنْتُمْ أَعْدَاءً فَأَلَّفَ بَيْنَ قُلُوبِكُمْ فَأَصْبَحْتُمْ بِنِعْمَتِهِ إِخْوَانًا وَكُنْتُمْ عَلَى شَفَا حُفْرَةٍ مِنَ النَّارِ فَأَنْقَذَكُمْ مِنْهَا كَذَلِكَ يُبَيِّنُ اللَّهُ لَكُمْ آيَاتِهِ لَعَلَّكُمْ تَهْتَدُونَ

آل عمران (103)

يَا أَيُّهَا الَّذِينَ آمَنُوا مَنْ يَرْتَدَّ مِنْكُمْ عَنْ دِينِهِ فَسَوْفَ يَأْتِي اللَّهُ بِقَوْمٍ يُحِبُّهُمْ وَيُحِبُّونَهُ أَذِلَّةٍ عَلَى الْمُؤْمِنِينَ أَعِزَّةٍ عَلَى الْكَافِرِينَ يُجَاهِدُونَ فِي سَبِيلِ اللَّهِ وَلا يَخَافُونَ لَوْمَةَ لائِمٍ ذَلِكَ فَضْلُ اللَّهِ يُؤْتِيهِ مَنْ يَشَاءُ وَاللَّهُ وَاسِعٌ عَلِيمٌ

المائدة (54)

هناك ما هو أهم من انتقادنا لبعضنا وذمنا في شعوبنا هناك العمل على توحيد صفوفنا ....

هناك العمل على رفعة شأن بلادنا ....

هناك الكثير من الاشياء التي ننشغل بها لنعلو بأنفسنا وبدينينا وبأمتنا ....
هناك أعداء أحق من إخواننا بتلك المشاعر .....

هناك ....وهناك ...وهناك ....هناك الكثير مما نسعى إليه حتى يبلغنا الله تلك المكانة

بسم الله الرحمن الرحيم

وَنَـزَعْنَا مَا فِي صُدُورِهِمْ مِنْ غِلٍّ إِخْوَانًا عَلَى سُرُرٍ مُتَقَابِلِينَ

الحجر(47)

وقانا الله وإياكم شرور الفتنة ...وهدانا وإياكم سبل الرشاد ....

رمضان ...هاتوحشني

2008-08-29T18:45:00.001-07:00

السلام عليكم ورحمة الله وبركاته

الحقيقة أحساس رائع بيتملكني لما بيجي رمضان ذلك الزائر الرائع يبدأ يتلاشى بمرور أول

أسبوع بدون أن أشعر كالعادة ....باحس أن وقته بيطير....وحزن شديد في آخر أيام

رمضان ....الضيف اللي باتمنى أنه مايفارقناش أبدا ....بجد جو غير الجو خالص مش

بيعكر صفوه أحيانا غير جريان الوقت بشكل غير طبيعي فيه وبعض المناظر اللي الواحد

بيشوفها عند الناس اللي لسة مش بيكونوا يا عيني عارفين أن رمضان جه هدانا الله وأياهم ...وبعض

الناس اللي بيعانوا من تأثير قلة التدخين وبيحبوا يثبتوا ان الشياطين بريئة من الخناقات اللي

بتحصل كل ما حد يحك على مناخيرهم .......بجد السنة دي حاسة ان رمضان واحشني

واحشني قوي ...حاسة أن واحشني قبل ما يجي وحاسة أنه هايوحشني لما يجي ...حاسة أني

عايزة أحس بكل دقيقة فيه ...مش عايزة دقيقة تفوتني لأني حاسة بالزعل اللي بينتابني لما

رمضان بيخلص من دلوقتي ....لأن كالعادة لازم تطلعلي حاجة تشغلني عن اللي عايزة أعمله في رمضان ....يمكن السنة دي أفضل شوية لأن جزء منه في الصيف بس ربنا يستر ....

الله المستعان

كل سنة وأنتم طيبين ومن ربنا قريبين ....وأشوفكم بعد رمضان إن عشت وكان لي عمر

ما تنسوش الدعاء لأخوانكم بظهر الغيب وللأمة الأسلامية....ما تنسوش الدعاء عموما

بلغنا الله واياكم رمضان

كتابي الحبيب

2008-08-29T13:42:00.000-07:00

السلام عليكم ورحمة الله وبركاته

الرائعة فسدقة بعتتلي واجب تاني بعد ما فشلت بالنسبة لناس كتير في أداء الواجب الاول

أتمنى انها تسامحني بعد ما تصحح الواجب ده لأن ذاكرتي فعلا سيئة جدا هذه الايام

والاسئلة محتاجة واحد ذاكرته كويسة ....أو على الاقل محتاجة واحد عنده وقت يقعد يفتكر

والحقيقة الاتنين مش متوفرين خالص الايام دي ...أرجو منها المعذرة

ما اسم أول كتاب قرأته في حياتك بإستثناء القصص و الكتب الموجهة للأطفال؟
مش فاكرة على ما اعتقد كان إما رواية ليوسف السباعي غالبا أرض النفاق....

أو أعجب الرحلات في التاريخ لأنيس منصور مش فاكرة الحقيقة
حدثنا عن 3 كتب قرأتها و تمتعت بها .. و انصح الأخرين بقراءتها !!

كتير بس اللي جايين في دماغي دلوقتي

- كتاب لا تحزن لعائض القرني لم أقرأه بالكامل لكن حقا أنا أستمتع به للغاية وأنصح الناس

بقرائته فعلا لأنه بغير أحساسك من جوة بالحاجات اللي حواليك.

- كتب خالد محمد خالد رحمه الله (اللي قريته منها روعة روعة روعة )رجال حول الرسول

والخلفاء الراشدين

هذا الرجل يعطيك احساسا بما تقرأ ليس فقط كلمات رنانة عن أناس نورانين لا

أحساسا عالي بهم كأنك تعاصرهم ...وتختلج بك أحاسيسهم ...هذا ما أحسه من كتاباته

- كتاب عظماء في حياتي - هكذا أحسب أسمه لأن أختي سلفته لواحدة صاحبتها ضيعته ....ربنا

يسامحك يا عايدة عارفة أنه مش قصدك و مسمحاكي بس الكتاب كان تحفة -لعبد الوهاب

مطاوع رحمه الله ....لا أعرف من إن كان رحمة الله عليه قد درس التنمية البشرية لكن برؤيتي

الخاصة لهذا العلم على أنه فن القدرة على رؤية الاشياء بصور مختلفة إيجابية أُعد هذا الرجل

رائدا لهذا المجال ..دائما للحياة مع كلماته جانب رائع يستطيع أن يريك إياه ......
حدثنا عن كتاب قرأته و تمنينت انك لم تفعل ؟؟

ههههههههه كتير برضه بس اللي فكراه قوي كتاب فظيع شنيع مهما الناس شكروا فيه وعملوه مسرحية على مسرح الدولة مش قادرة ابلعه وباحس بالغثيان لأني قرأته وباستغرب من مقدرتي على اكمال تلك القصة السخييييييييييييييفة في رأيي الخااااااااااااااااص "أكليل الغار "مش فاكرة لمين لكنه كان لأحد الكتابات الشابة بمكتبة الاسرة ربنا يسامحني وأعتذر للكاتب ربما كان كتابه يحمل فكرة ما لكني فعلا كرهت كل دقيقة امضيتها في قرائة تلك القصة .....
الكتاب الذي تقرأه حاليا في حالة وجوده

كتاب لا تحزن لعائض القرني

وأفعل شيئا يا مت لعزيز نيسن

ــــــــــــــــــــــــــــــــــــــــــــــــــــــــــــــــــــــــــــــــــــ

أولا أشكر الجميلة الرائعة فسدقة على تمريرها الواجب لي. .....

حقيقي استمتعت بيه جدا واحتمال انزل كام بوست ملخصات للكتب اللي باحبها

ثانيا تنفيذا لباقي الواجب هاحوله على ست مدونين آخرين

القارئة الرائعة هنا والتي لا تقل روعة كقارئة متميزة عن جمال كتاباتها

الجميلة هنا صاحبة مدونة الفاصلة

و ناعومي الجميلة لسة محلتهوش بابعلتهولها تاني

وبابعته وانا مكسوفة جدا منها ....لهوندا صاحبة المدونة الرائعة للرغي فنون

وعشان يبقى فيه ديموقراطية هي ليها مطلق الحرية في انها تسعدني وتحله أو

ماتعبرنيش من أصله...

وبرضه للجميلة دكتورة أسماء علي ...

لحبيبة القمر صاحبة مدونة همساتي

وسناء الشهيرة ببيبا العجيبة صاحبة مدونة مغربية http://www.marrokia.canalblog.com/

يلا يا دوب الحق ابعت لهم التعليقات

كل سنة وأنا إلى الله أقرب ....بارغي مع نفسي

2008-08-13T10:29:00.000-07:00

في مثل هذا السنة اللي فاتت كنت عمري اقل سنة ونزلت موضوع على أحد المنتديات كان بيتكلم عن لسة هاحكي أهو نسخة من الموضوع

" بسم الله الرحمن الرحيم
الحلقة الأولى "أحلامي"
السلام عليكم ورحمة الله وبركاته
وأنا على أعتاب عام جديد من سنوات عمري رأيت أن أتوقف برهة لأفكر ...ترى ماذا فعلت
بحياتي حتى الآن ...
عن إنجازاتي بحياتي عن إعمار الأرض كجزء لا يتجزء من وسائل العبادة .....
أقف لأجد أمة تلد أناس... ورجال يصنعون أمم ....
لا أقدر أن أصنع تاريخ وأمجاد تكتب بأحرف من نور كالصحابة ...

ولا أعرف إمكانية أن أكتشف
ذكاء خارقا متخف بعقلي لإستخرج معادلة لحساب قطر الكرة الأرضية
كـ"البيروني"

أو لأضع قواعد للغة كـ"سيبويه" أوحتى أضيف بحر آخر للشعر كـ"الأخفش" ...
حتى الآن لا أعرف كيف لعمر "مصطفى كامل" القصير أن يحتمل كل ما مر به من أحداث
بالتأكيد لن أغير من دستور بلدي كما فعل نضال" فيرونيكا جرين "

وأيضا لا أريد أن أصنع خلطة سرية للدجاج......
إذا ماذا أريد ؟؟؟
أريد أن أرى ما سأفعله لإعمار الأرض.. لا بل ما سنفعله ولرفعة أمتنا ....أريد مشاركاتكم ....
أعماركم .....أحلامكم ....ما حققتومه منها ....ما لم تحققوه بعد وتتمنون أن تحققوه
أحلم أن أخدم ديني و وطني ...حتى الآن لم أقدم لهما سوى الدعاءلكن مازال الحلم
مستمرا فأنا لم أمت بعد
حلمت وأحلم بأشياء أخرى لكن دعوني أرى ما تحلمون به"

كان هذا هو موضوعي بعد سنة كمان قعدت النهاردة أفكر حصل ايه في السنة دي عملت ايه لنفسي ولبلدي ولديني في السنة اللي عدت من عمري دي للأسف مش لاقيه حاجات كتير ..سنة بحالها عدت ومش لاقيالها تأثير كبير في حياتي ....لكن حابة أني أقيم السنة اللي فاتت دي بحلوها ومرها

1-يمكن أهم حاجة أني احببت في الله ...اتعرفت على اربع صديقات رائعات وأحببتهن في الله

أعتقد دي حاجة كويسة قوي

2- لسة عندي أمل ....مش عارفة إذا كان ده عيب والا ميزة لأن الامل من غير عزيمة بيعتبر طولة أمل

بس إن شاء الله يكون أمل بس...

3 - اتمنى أني أكون قدرت فعلا اكون أثرت في حياة حد للافضل من خلال عملي ..ولو أن النقطة دي يعني ذات اتجاهين هههههههه ربنا يستر إن شاء الله والتأثير يكون بالخير

............

تعالوا ندعي كل واحد السنة الجاية يكون محقق على الأقل حاجة يأمل أن ربنا يرضى عنه بيها

ويتقبلها منه

لأنني تلميذة نجيبة ولا أحد ينكر ذلك*...

2008-07-28T15:11:00.000-07:00

شكرا جدا للرائعتين ناعومي وفسدقة اللي باحبهم بجد جدا جدا جدا ناعومي برقتها وقوتها المستمدة من قلبها الجميل وفسدقة ببرائتها وبهجة احس بوجودها في عينيها تنشرها على من حولها اللي مرروا لي الواجب ده وأدوني الفرصة دي عشان أجمع اللي أعرفه عن نفسي وأرغي بيه على المدونة

الواجب :

س : أذكر 6 أسرار قد لا يكتشفها من يقابلك أول مرة
..قوانين الواجب:
1. أذكر اسم من طلب منك حل هذا الواجب

الجميلتين د.ناعومي و فسدقة

3. تحدث عن ستة أسرار قد لا يكتشفها من يقابلك للمرة الأولى.

السر الأول في الأسرار اللي قد لا يكتشفها أحد في المرة الأولى لمقابلتي:
الحاجة اللي كتير ممكن مايتخيلوهاش عند رؤيتي للمرة الأولى إني ممكن أهزر وأضحك
سر بايخ .......
السر الثاني في الأسرار اللي قد لا يكتشفها أحد في المرة الأولى لمقابلتي :
هي أني غالبا ما لا أشعر بعمري الحقيقي أما أني عجوزة جدا أو أني أعيل من
أعيل طفلة ويوم ما حد بيسألني عن سني أول أجابة بتيجي على ذهني 18 سنة
(مش باقوله طبعا بس بيجي في بالي) - رغم أني تجاوزت هذا العمر من زمن يوازي عمر
طفل في سن الغتاتة - مش استعباط مني والله بس عشان بجد مش حاسة بالزمن
اللي عدى عليا من ساعة ما سبت التماانتاشر الحبيبة
سر جدا ....أوه إيتين سويت إيتين ...
السر الثالث في الأسرار اللي قد لا ....... :
مش باثق في الناس غير في مناطق معينة من شخصيتهم يعني ممكن
أثق في طيبة صديقة لكن لا أثق في منطقها ...ممكن أثق في حكمة
أحد لكن لا أثق في معلوماته .....أثق في خسة أحد لا أثق في أخلاقه ....
سر ساذج ....لأني باتصرف في الأخر حسبما يقتضي الذوق لا
حسبما أخبره في طبائع الناس ..
السر الرابع في الأسرار اللي ....:
هو أني لا أحب الاعتناء بالأطفال ...و ده عكس ما هو معروف عني يمكن لأن الأطفال هما
البشر الوحيدين اللي بقدر أني أنافقهم ماحدش يفهمني غلط باموت فيهم
وباعشق مشاهدتهم وهم يلعبون ويضحكون و ربما كانت مشاهدة سعادتهم و
إنطلاقهم هي الشيء الوحيد الذي يبهجني بحق وبانسى فيه كل حاجة مضيقاني ...
بس بصراحة ساعة لما يغتتوا أعوذ بالله بيبقوا صعبين قوي خصوصا المدللين ....
سر مفجع أنا عارفة...ممكن كمان يومين ماتلاقوهوش في البوست ....
السر الخامس ...:
الحمد لله متفائلة جدا وعندي أمل مصر تدخل الالفية التالتة ولسة الهرم فيها ماتخصخصش
وأبو الهول ينطق بعد أن يزول خوفــ.......ـــــو ودي غالبا برده من الصعب معرفتها عني غير بالسؤال المباشر....
سر متفائل ....
السر السادس ....:
أممممممممممممم مش اجتماعية و أعاني من خجل مرضي أعتقد أن ده مش سر يصعب
معرفته لكن المشكلة ناس كتير بتفهمني غلط بسببه.....لأني باخد موقف من أثنين أما
اتحرج أتعامل مع الناس فيُظن بي غرورا أو ضيقا(واحيانا قلة ذوق ولا مؤاخذة هههههه) ، والثاني أن أحرج أن أقول "لا" لصديقاتي عشان كده ساعات كتير الاقي متورطة في أكثر من مشوار وكلهم في نفس اليوم مع أكثر من صديقة (بينشنوا مع بعض بشكل غريب)
سر إلى الأمام .........
.4. حول هذا الواجب إلى ستة مدونين، وأذكر أسماءهم مع روابط مدوناتهم في موضوعك.
مممممممممممممم مش عارفة مدونين كتير ومعظم اللي أعرفهم حلو الواجب
بس في واحدة زي القمر لسة ماحلتهوش
هنا الرائعة ....صاحبة مدونة الفاصلة
وفي واحدة زي القمر برضه كروتت الواجب عشان كده هاحوله عليها تاني
عشان تكتب السر السادس ...طبعا الجميلة الدكتورة ناعومي
وبابعت الواجب معاها برضه للجميلة ذات أحلى روح طفولية عرفتها سها
ومن عند فسدقة استأذنها هابعت برضوا معاها لمروة يس العسولة
بالنسبة لباقي المدونين الحقيقه هابعتها للمدوننين التالية أسمائهم وأتمنى أنهم مايكسفونيش
ويوافقوا يعملوا الواجب
- صاحبة مدونة نعكشة
- هوندا صاحبة مدونة للرغي فنون
http://ana-w-honda.blogspot.com/
5. اترك تعليق في مدونة من حولت الواجب عليهم، ليعلموا عن هذا الواجب
حـــــــــــــــــــــــــــــــــــــــــــــــــاضر من عنيا الاثنين ....
أبطل رغي شوية واروح أحط التعليقات وباشكر ناعومي وفسدقة على الواجب مرة تانية
ـــــــــــــــــــــــــــــــــــــــــــــــ
*ما عدا المشرفين على رسالتي العلمية (ايقونة واحد محرج)

أكرمهن ولياً.....

2008-07-23T05:10:00.000-07:00

السلام عليكم ورحمة الله وبركاته أضنى بعض المبشرون وبعض المستشرقون أنفسهم بحثا عن أي فرصة ليلصقوابالإسلام ما ليس به ....وقد يجد بعضهم ضالته في بعض الروايات غيرالصحيحة...أو لا يجد ..ربما تكون تلك مشكلة لكن الكارثة هي التفرج عليهمدون تحريك ساكن ..... تحدث الكثيرون عن عدد زوجات النبي الذي زاد عن أربعة وهو ما يسمح به الشرع ولم يتحدثوا عن أن تحريم زواج أكثر من أربعة نساء بعد أن كان الرسول صلى الله عليه وسلم قد بنى بزوجاته وبعد أن خيرهن ...وصرن

أمهات للمسلمين ويحرم عليهن الزواج بغير النبي صلى الله عليه وسلم وأن ليسلنا من الأمر شيء فيما أحل الله لرسوله صلى الله عليه وسلم .....إضافة إلىملابثات أخرى خاصة بالحكمة من الزواج ..الحقيقة أريد التحدث في موضوع بعينه ...وهو زواج الرسول صلى الله عليه وسلممن أم المؤمنين "زينب بنت جحش"رضي الله عنها وأرضاها بعد زواجها منالصحابي "زيد بن حارثة " مولى رسول الله صلى الله عليه وسلم ودعيه قبلأن يحرم الله التبني بالنسب ......يخبرنا الرحمن في محكم آياته

:(بسم الله الرحمن الرحيم )"وَإِذْ تَقُولُ لِلَّذِي أَنْعَمَ اللَّهُ عَلَيْهِ وَأَنْعَمْتَ عَلَيْهِ أَمْسِكْ عَلَيْكَ زَوْجَكَ وَاتَّقِ اللَّهَ وَتُخْفِي فِي نَفْسِكَ مَا اللَّهُ مُبْدِيهِ وَتَخْشَى النَّاسَ وَاللَّهُ أَحَقُّ أَنْ تَخْشَاهُ فَلَمَّا قَضَىزَيْدٌ مِنْهَا وَطَرًا زَوَّجْنَاكَهَا لِكَيْ لا يَكُونَ عَلَى الْمُؤْمِنِينَ حَرَجٌ فِي أَزْوَاجِ أَدْعِيَائِهِمْإِذَا قَضَوْا مِنْهُنَّ وَطَرًا وَكَانَ أَمْرُ اللَّهِ مَفْعُولا "

هناك بعض التفسيرات التي أرى برأيي أنها غير صالحة للمقام الذي نتحدث فيه ....برغم تبني البعض لها وتبريرهم لها تبرير جيد و راقي.. لكني مازلت أراها ويتفق معي الكثير من المفسرين بأنها - إضافة لعدم تماشيها مع ما لسيرة خير البشر من سمو (وهذا ما دافع عنه البعض بأنها لا تفعل بل تزيد من قيمته الإنسانية) - تتعارض مع تفسير الآية الكريمة وهذا ما أعتقد أنه لا يصح أبدا ...لأن الآيةالكريمة ترد على هذه الأقاويل فالله سبحانه وتعالى أخبر رسوله الكريم (صلى الله عليه وسلم ) أنه تعالى سيظهر ما أخفاه الرسول ......"وَتُخْفِي فِي نَفْسِكَ مَا اللَّهُ مُبْدِيهِ "..... فماذا أظهر الله سبحانه وتعالى؟

هل أظهر غيرأمره لرسوله

الكريم بالزواج بأمنا زينب بنت جحش لحكمة عظيمة جليلة وهيالتأكيد على إبطال حكم التبني بالنسب

الذي شاع في الجاهلية و من غير المعقول أن يعاتب الله رسوله على أنه أخفى بنفسه ما قال التفسير

المغلوط أنه أخفاه .....وأيضاً أخبر تفسير ابن كثير – الذي أشار في تفسيره للآية إلى "آثار عن بعض السلف رضي الله عنهم أحببنا أن نضرب عنها صفحاً لعدم صحتها فلا نوردها " ...لا نعرف ما إن كان يعني بذلك الرواية المغلوطة التي نقصدها أو لا لكن بأي حال - عن بعض الروايات أن الله تعالى أعلم نبيه صلى الله عليه وسلم أن زينب بنت جحش رضي الله عنها ستكون من أزواجه – لنقض عادة التبني – قبل أن يتزوجها فلما أتاه زيد يشكوها قال اتق الله وامسك عليك زوجك – خشية أن يقول الناس تزوجها و

هي زوجة ابنه إذ كان قد تبنى زيدا قبل الإسلام حتى أبطل الله حكمالنسب بالتبني – فعاتبه الله لإخفاء ما يعلمه الرسول من أمر زواجه بأمنا زينب بنتجحش رضي الله عنها ...وتخفي في نفسك ما الله مبديه .....والله أعلى وأعلم .نعر ف أيضا أن أمنا زينب بنت جحش رضي الله عنها..كانت تفاخر أزواج النبي بثلاث "أكرمهن وليا -أن زَوَّجها الله - ...أكرمهن سفيرا –أن جبريل جاء بنبأزواجها – جدها وجد الرسول واحد " فإذا كان هناك شيء آخر مما يدعيه البعضفي تلك الرواية لكان من الممكن المفاخرة به ....تلك هي عقيدتي فيما يخص ذلك الموضوع ........ ..............فقط أحببت أن أتسآل إذا كان هذا ما يفعله المستشرقون للإلصاق بالإسلامما ليس به ...إذا كانت تلك هي جهودهم للبحث في الإسلام والسنة ...ترى أين هيجهودنا وأين نحن من البحث في أصول ديننا ....والذود عنه عما يلصق به من أشياء باطلة

المراجع:

تفسير أبن كثير

صفوة التفاسير ...لـ :محمد علي الصابوني (أستاذ بكلية الشريعة والدراسات الأسلامية)

كتاب "حياة محمد "...لـ :محمد حسنين هيكل

رحلة صيد

2008-07-22T17:03:00.000-07:00

بعد فترة طويلة من الضيق النفسي ...بدأت نفسي تهدأ قليلا....أقرأ قليلا في كتاب لا تحزن ثم أعود لأقرأ أخبارنا القومية أعود للحُلة النفسية الضيقة التي أرتديها ....برغم مقتي لها ....لكن حقا هذه الأيام أشعر بها تتسع لنفسي قليلا فقليلا ربما كانت البداية هي ........رحلة صيد

أحذر البعض- خاصة من القراء سريعي الملل - من أن هذا البوست يحتوي الكثير من التفاصيل المملة والتي ربما لم ولن تفيد أحد غيري ....

رحلة صيد غير مقصودة ....كنت عائدة من المزرعة التي أجري بها تجربة أطروحة الماجستير .....ربما أحكي لكم عنها في رسالة سابقة ...لم أنشرها لكنها موجودة .....

قلما استطيع التمتع بما لجو المزرعة من جمال نظرا للشمس التي تلاحقني طوال الوقت

وللعمل المطلوب مني أداءه ...لا يمكنني بعد كل ذلك الألتفات لروعة أصطفاف الاشجار رافعة أفرعها نحو السماء مسبحة ربها ...ولا إلى نقاء الهواء المحيط وخلو المنطقة من كل تلك الطاقة الكهربية التي تسبب لي الكثير من التوتر بالمدينة ...فقط أعمل على إنهاء عملي للتخلص من ملاحقة الشمس والصداع الذي يسببه لي ملاحقة البيانات بين الأشجار .......

بالنهاية أسرعت لمغادرة المزرعة أرسلت رنة الأستدعاء المتفق عليها لأخي الذي ذهب للصيد بترعة قريبة من المزرعة ليأتي و يأخذني لنعود أدراجنا ....

بالعادة ما أن أنتهي من العمل حتى نسرع بالعودة لكن هذه المرة لم يكن أخي يرغب بالرحيل قبل أن ينتهي من رحلة الصيد التي بدأها ..إضافة إلى إصرار أبنه على استكمال ما بدءاه قبل استدعائي لهما

ببداية الأمر تبرمت قليلا فأنا مرهقة وأريد العودة للبيت أستمتع بوجبة ساخنة وكوب شاي وربما يسعدني الحظ بساعتين إضافييتين من النوم ......تغير ذلك لمجرد علمي بوجود صنارة إضافية معهما و أن بأمكاني الصيد معهما ...خالجني شعور جميل ...تسللت السعادة إلى صدري حقا كم أحب الصيد برغم عدم ممارستي له سوى مرة واحدة يتيمة من زمن بعيد ..أتظاهر أمام نفسي بحزن نبيل لا وجود له على تلك الأسماك التي سنقوم باصطيادها ...أمسك بالصنارة ليبدأ أبن أخي ( اللمض الشبر ونص) بتوجيه تعليماته

- الأول (نطعم ) الصنارة (نضع الطعم )...وبعدين ترميها كده لأ غلط ايه اللي أنتي بتعمليه ده حد يصطاد كده ...انا هاوريكي لعلمك انا باصطاد أحسن من بابا

- والله ...

- آه حتى أسأليه ..بابا شد السنارة بتاكل معاك(غمزت يعني) يوووووه انا هاقعد أعلمكم كده ومش هاصطاد حاجة بس شكلي هاتعب معاكي قوي

- معايا أنا !!!!

-آه .....حاسبي شدي ...مش كده ...كده تفقدي السيطرة عليها

- أفقد السيطرة!!! أنت بتجيب الكلام ده منين ؟

هكذا يضايق في قليلا ويعلمني قليلا وتلاحقنا قطة جائعة قليلا ...نستسمح أخي أن يرمي لها سمكة لأننا لم نصطد شيئا تقريبا كلانا أصطاد سمكة يتيمة ثم أنشغل بمضايقة الآخر ...

مضى وقت طويل منذ أمتلكت لحظات كتلك التي استطيع من خلالها تصفية ذهني ورؤية الأشياء بصورة أوضح ...لحظات كتلك تمنحني قدرة على رؤية جماليات حياتي التي أنشغل عنها بمساوئها .....

عندما فتح شخص ما بمكان ما ماسورة المياة لتتدفق على الترعة التي كنا نصطاد بها لم أتضايق حقا لانتهاء رحلة صيد غير مقصودة ...فقط شعرت أنني ألتقط شيء ما أغلى من تلك السمكة اليتيمة... ربما أنفاسي...لقد قابلت الشخص الذي أنشغلت عن لقائه منذ فترة على شاطئ تلك الترعة ....قابلت نفسي .

ديجافو

2008-07-12T15:18:00.000-07:00

تململل في رقدته ...يجذب نفسه من السرير ليمارس طقوسه اليومية قبل أن يغادر المنزل ليقف بطوابيره يتزاحم ينفذ صبره يرتفع ضغط دمه يشعر بالأختناق يصلل للأرغفة ثم يتزاحم مرة أخرى ليستقل الحافلة ....يتزاحم حتى يجد مكانا لقدميه يرتفع ضغط دمه يشعر بالأختناق تلفظه الحافلة ...ليشهد يوما عايشه من قبل ...يقف امامه هو آخر وصل إليه بعد معاناة من التزاحم وسط الاجساد المنصهرة وبعد أرتفاع ضغط الدماء وبعد أن شعر بالاختناق ....يذكر شيئأ عن تعديل حرف ما ...وكيف لحرف أن يوقف الحياة بالنسبة لشخص ما ...يعاجله البعض بعبارات عن الصداع الفلسفي الذي يسببه .....ويطالبه هو الأول بتوقيع آخر ........بعد أن يعايش مشهدا متكررا من التزاحم وضغط الدم وجملة مررت تكرارها .....تأتي هي المسؤلة عن التوقيع الآخر بعد أن أنتهت صباحا من ممارسة روتين الاختناق

فضفضات

2008-06-04T12:44:00.000-07:00

يوم عادي

يوم عادي
بحر مهتاج يزمجر
يغشو سمائي لون رمادي
حتى ذرات الأتربة يمكنها محاصرتي ومدافعتي
لتزيد من عتمة الرؤية
تتكاثف الغيوم حول القلب
يضيق فؤادي
يوم عادي
قد تشرق شمس
أو ترقص ريح
لكن في النفس المرهقة التي أحملها
تخبو الشمس وتنبعث كآبة عنكبوتية
كم يبدو هذا معتاداً
لعمر محمول إلى مثواه
كم يبدو سلوكاً مثالياً ليوم عادي

"عندما تفقد الأحلام بهجتها "

كل هذا القدر من المشاكل ولا أستطيع أن أفكر سوى برغبتي في أن أنـــــاااااااااااااام ....فقط لو استطعت أن أخفيها في أحلامي كي أتمكن من المواصلة ....لكنها -أحلامي - تأبى إلا أن تزيد من منغصات حياتي ..لذا أفضل نوم بلا أحلام تُذكر ..كوب نوم بلا أحلام من فضلك .لا يوجد ...واضح أنني أحلم ..فغالبا ما لا يتغير وجه النادل لذلك الشيء المرعب في الحقيقة و كذلك الناس بالمساحة المحيطة...يبدو انها ليست عدوى مرضية أو شيء ما ...يجب أن أوقف ذلك الحلم ..قبل ان يتحول إلى كابوس فعلي فبالرغم عن كل ذلك الرعب مازال بالنسبة لي في طور الحلم ...حلم رقيق أيضا
حان الوقت ...لأستيقظ نكدة وأمارس روتين الإنغماس بدواماتي الخانقة .

إلياااااااااااانز *Aliens

2008-05-27T04:12:00.000-07:00

جئـ ـ نا ـ في سلااااـ م
جئـ ـ نا ـ في سلااااـ م
ثم فجأة
موهااااهاهاه ...موهاهاهاها ...هاهاهاه
وتنهال طلقات الـ - مش عارفة ماهم فضائيين ومش معروف لهم بيستخدموا ايه- علينا من الأخوة الإيليانز الجاين في سلام ...ده سيناريو(بالانجليزي) جه
من يومين ..........لقيت اخويا قاعد يتفرج على برنامج غربي يتحدث عن

الإخوة الغرباء اللي جايين من الفضاء

لما هايجوا إن شاء الله ...وإزاي إن السينما مصوراهم غلط غلط غلط ...

أكيد لأنهم أحدث من أحدث تصور موتصور في السينما وأقوى من أقوى كارتون مقوي في الأفلام الكرتونية ......واحد عمال يتكلم بحماس واحد من جمهورالكورة و هو بيعاني من أزمة قلبية من فرط الانذهال والحماس وبيقول بصوت عميك ...الفضائين لو جم هايهلكوا الزرع و الضرع (بالانجليزي طبعاًً)

الفضائيين لو جم هايفعصوووووووووونا زي الدبان ...لو جم مش هايبقى عندهم يا اما ارحمني (بالانجليزي ...)........

واحد تاني عاقل وهادي كده مش عارفة متدكتر في ايه مش عارفة ...قعد يقول بصوت

اعمق من الأولاني أن الفضائيين

مش زي اي حاجة تخيلناها لأنهم فضائيين وأنهم مخلوقات هاتبهدلنا بالتكنولوبيا

الرهيييييبة بتاعتها التكنولوبيا اللي هاتخلينا مش هانقدر نغمض عنيك (مش مصدقين إنها كانت بالانجليزي)

وقعد يتكلم عن استراتيجيات مواجهة الفضائين .....آه ياني يا أمي

مش عارفة الراجل ده جاب كلامه منين ولا بيقولوا على أنهي أساس ....

بس الظاهر إنها عقدة الخواجة .....معلش يا جماعة أصل الخواجات بالنسبالهم هم الفضائيين

فتحت بقي انبهارا و سألت اخويا :

هما الناس دي معندهاش طوابير عيش تلمها .....ده هما بذات نفسيهم الإيليانز

يخرب بيت كده ...

يلا عشان الناس تبسط وتسيب كل المشاكل اللي عندها من العيش والخصخصة والغاز

وتوشكى ..و....و.....و ونفكر إزاي نواجه الغزو الفضائي وإزاي نتعامل مع الإخوة الغرباء

وماله إن ماكانش الناس دي تفكر كده مين اللي يفكر.........

ناس بتصرف على حيوانتها الأليفة بس أكتر ما احنا بنصرف على الصحة

العامة للـ......إليانز المحليين بتوعنا ....

يكونش ده السبب يكونش السبب في المشاكل دي كلها إن الأشاعات اللي طلعت على المصرين القدماء

بإنهم إليانز صدقوها وبيعاملونا على إننا ولاد الإيـ ـليانز

للأسف كان نفسي يبقى عندي تلك المساحة من الخيال اللي تسمحلي بأني أتخيل ...ايه اللي هايجذب

الفضائيين للأرض أو لبلدنا .........طيب انجذبوا وجم

برضوه خيالي مش فاضي يفكر هايتعاملوا معانا إزاي

كل الي جاي في بالي دلوقت أن عايزة أجري على لقمة عيشي ..............

مش فاضل عندي وقت أو خيال إنساني يسمح لي

أفكر في الإليااااااااااانز اللي المفروض نجهز نفسنا لأستقبالهم هههههههههه

بدلا من السعي في الطوابير............

ده أنا بيتهيألي من الجوع الناس لو شافت فضائي هاتكله

ويبتدي يظهر عندنا فتاوي من نوع هو أكل الفضائيين حلال والا حرااااااااااام

نفسي يبقى عندنا الحاجة اللي كانت جوانا اللي تخلينا نقدر نفكر ...

بس نفكر في حاجة تانية غير لقمة العيش ...

للأسف حاسة أن كتير مننا بقوا Aliens

ــــــــــــــــــــــــــــــــــــــــــ

*غرباء وتستخدم بصفة خاصة للفضائيين

كوتوموتو خلي بالك منه....

2008-05-25T09:15:00.000-07:00

فاكرين الضيف أحمد ....كوتوموتو السينيما المصرية ووجهها الطفولي

الضاحك ....أيوة عضو ثلاثي أضواء المسرح ...باين على وشه طيبة وخفة

ظل وكلام من ده ....

كل ده كويس

وجميل

وزي الفل

وعلى راسي من فوق فوق فوق

بس توصل لحد أنهم يرشحوه لعضوية مجلس الشِعب ...

أهو ده اللي لا ننكن أبدا

صحيح هو كان حلم بس برضوا ولو ....

ده الراجل ميت بقاله يجي أكتر من تلاتين سنة ..

.يمسك عضو مجلس شعب عن دايرة سيدي جابر مكان أبن طلعت مصطفى بتاع ايه؟؟؟؟

لا وكمان ماحدش داخل قصاده يعني بالتزكية .....

يعني كمان مش هانصوت ولا نرقع بالصوت .....

استغفر الله العظيم يا رب........

يلا الحمد لله أنه مارشحش نفسه لحاجة تانية أحسن يكون الحلم كان متراقب ...

بس بتهيألي مكانش هايعملها أصله كان مرشح الحزب الوطني في الحلم ....

يلا ...المهم

كوتـــــــــــــــــــــو مــــو تــــــــــــــــــــو

كومتوموتو خلي بالك منه

لو يزعل طب طب على كتفه

لو يحصله ايه كده مش عارفة تعمل ايه وتلاطفه

يا أخواتي على البراءة

2008-05-24T15:02:00.000-07:00

يا ختي كميلة يا ختي برئ

يا ختي لطافة وذوق و رقيق

قدامك يعمل خدامك

ذوق ولا حتى تشوفه فـ منامك

بس اديله ضهرك ثانية

تلقى كلامه عنك حاجة تانية

كتر خيرك يا بني كفاية

في جمايلك أصبحت غريق

شخصية بوشوش كدابة

ينهش سيرتك كانه في غابة

يلاقيك الصبح يوردلك

حنية تملا اباريق

عامل فيها طيب وكويس

واد إنما ايه شهم وكيس

وكلامه اسافين رقدالك

اكفينا شره في كل طريق

لما تلاقي كدهه بني آدم

قدامك صاحب ومسالم

ووراك دايما سيرتك شاتم

أعذر مرضه اللي مخليه

منك هايفرقع من الضيق

أفـتـقـدك بـشـدة ......

2008-05-13T14:20:00.000-07:00

والدي الحنون /

أوحشتني .....

البعد عنك كسرني......

التاع قلبي للفراق كأنني .....

فقدتك اليوم فقط ..

لا

بل فقدتك من زمن بعيد

لا أدري......

غير أني أستشعر الشوق المرير لكنني

استغفر الله القدير لعلني

أصبر على ألم رهيب

بحنايا قلبي أصابني .

.......................والدي الحنون أوحشتني

والدي الحبيب /

بعد النحية والسلام

كان عندي ليك كتير كلام

عايزة أقولهلك وأحكي

عايزة أشوفك عايزة أبكي

تمشي وتسيبني الألام

والدي الحبيب ......

عارفة أنك مش هاترجع

لو أناديك مش هاتسمع

عارفة وفراقك بيوجع

قلبي الراضي بقضاه

باحبها حب .....بلدي(2)

2008-05-12T20:58:00.000-07:00

وباحبك حب ...بيهيألي أن هاعدي تلال وبحور

بيصورلي أبنيكي قصور

وأِشيل الحزن في قلبك وأزرع بدله حبور

أقوم مـ الحلم ألاقي القلب فـ حبك بات مقهور

وباحبك حب

بيخليني شايف نفسي ..نسر جسور

فارد جنحاته بيحمي سماكي

ولاجل علاكي

يفوت ميت سور

يخلص حلمي أبص ألاقي قلبي المسكين زي العصفور

حايم في سماه غربان وحدادي

هايم ...غلبان بجناح مكسور

يمكن كنا في يوم أصحاب.....

2008-04-11T16:35:00.000-07:00

وكأني مش عارف أنت مين

وكأني ناسي صحبة سنين

هونت عليك هونت عليا

وكأننا ماكناش صديقين

يا ترى كنا صحاب و الا

ده كان حلم جميل ولى

وكل صاحب فينا

عن صاحبه بسهولة أتخلى

العهد اللي ما بنا قطعناه

والود اللي ما بينا بعناه

ونسينا احزان سوا شيلناها

والفرح اللي ما بنا قسمناه

يا ترى ميييييييييييييييين اللي بيتكلم ....يا سلام

2008-03-27T16:03:00.000-07:00

من يومين كنت أريد إرسال برقية عزاء لأحد الزملاء لا أراكم الله مكروها بعزيز لديكم
فاتصلت بخدمة البرقيات لدى الشركة المصرية للاتصالات 124 ردت على تلك السيدة المعدنية قائلة أني لن أستطيع اكمال المكالمة لعدم اشتراكي بالخدمة (أعتقد أنهم يعنون المباشر)
المهم لعدم الأطالة ودون ذكر التفاصيل حصلت على رقم 1243 من الدليل.... الرقم لخدمة البرقيات من التليفونات غير المشتركة بخدمة المباشر
أيضا لم أصل خلال هذا الرقم لأي شيء ....فكرت بأنه ربما قد عكست عاملة الدليل أرقام الهاتف
وأنها ربما تكون 1234جربت حظي بذلك فقط لأجد جرس طويــــــــــــــــــــــــــــــــــــــــــــــــــــــــــــــــــــــــــــــل يجيبني لينتهي هذا الجرس برفع السماعة لغلقها بوجهي .......
عاودت الأتصال مرة أخرى بنفس اللحظة ليعاود ذلك الجرس الطويــــــــــــــــــــــــــــــــــــــــــــــــــــــــــــــــــــــــــــل أداء مهمته في تشنيف أذني .........أخيرا
- ألو ....
-السلام عليكم ....خدمة البرقيات
-لأ هنا " الأسعاف"
لن أعلق فقط يسيطر على ذهني وترن فيه أحد رنات الجوال المستفزة التي سمعتها من قبل :
يا ترى ميييييييييييييييييييييييين اللي بيتكلم أيوة
يا ترى ميييييييييييييييييييييين اللي عاوزني يا سلام
يا ترى ااااااااا ميييييييييييييييييييييييين قاعد يرن يرن يرن يرن يرن ......وأنا مطنش....يا معلم
يا ترى اا مين قاعد يرن يرن يرن يرن يرن .....وأنا حالقله ......يا سيييييدي
يا ترى ميييين قاعد يرن يرن يرن يرن يرن ....ووالا على دماغي ......يا معلم ـــــــــــــــــــــــــــــــــــــــــــــــــــــــــــــــــــــــــــــــ

شكر خاص لأستاذ إيهاب رضوان لتصحيح ما كتب سهوا من أخطاء نحوية

حب يختلف

2008-03-27T14:14:00.000-07:00

نظر الأب إلى ولده نظرة تأنيب ..لقد تعب مع ذلك الولد ،لا يعرف ما يفعل معه ...كان لديه من مرض قلبه ما يكفيه من التعب ،لم ينقصه إلا دخول ابنه إلى طور المراهقة ...."ترى هل تسمى مراهقة لأنها ترهق الوالدين؟؟؟؟ " هكذا سائل الأب نفسه قبل أن يتوجه إلي أبنه الذي طالما أخبره ألا يجلس طويلا أمام التلفاز حتى لا يؤذي عينيه وحتى لا يرسب بدراسته
"ماذا تفعل يا ولد ألم أحذرك من الجلوس هكذا لفترة طويلة أمام التلفاز ....هيا إلى المذاكرة ...هيا و إلا ..."
"لكني أريد مشاهدة المبارة ..."
"المبارة ستعاد أما امتحاناتك فلا...هيا يا ولد إلى ..."
صرخ الولد مقاطعاً إياه :"لم أعد ولداً ....."
ثم أشار إلى بعض الشعيرات التي بدأت تنبت تحت أنفه على استحياء قائلا لأباه المتفاجئ:
"ألا ترى شاربي ..لم أعد ولدا بعد....لقد ضجرت من هذه الحياة لا شيء سوى المذاكرة ولا شيء سواها إلا التأنيب"
أراد الأب أن يصفعه صفعة يودعها كل مشاعره إلا أنه تمالك نفسه واكتفى بليّ أذن ابنه بين أصابعه دافعا إياه إلى حجرته
"إلى حجرتك ولا أريد رؤية وجهك القبيح .."
دخل الولد إلى حجرته والشرر يتطاير من عينيه......
"كيف يجرؤ على معاملتي بهذا الشكل ...أما كفاه إحراجي أمام أصدقائي..ولا توبيخه إياي أمام زملائي وما فيها أن أدخن معهم ..... فلا يجرؤ أحد من آبائهم بتوجيه نصف كلمة إليهم ..."
"أما اكتفى بإصراره على عدم مصاحبتي من أشاء ...لمجرد أنني استمتع معهم بأسلوبهم في الحياة ....
إذا كان هو لم يكتف فقد اكتفيت أنا سألقنه درسا لن ينساه .." .
وضع ملابسه في حقيبة صغيرة وعاين ما معه من نقود ثم فكر قليلا ودارت عيناه في الحجرة لتتوقف على جهاز الآي بود الذي أهداه إليه والده في الذكرى يوم مولده فأخذه معه فقد يحتاج لبيعه للحصول على المال....ثم ما لبث أن تذكر بطاقة أبيه الائتمانية ...لقد أعطاه أباه إياها، كي يجري سحبا ً لثمن أحد دروسه ..بالتأكيد ستفيده...
"سرقة ...لا، أنا أسرق ما سيكون لي " لم ينتبه لما قال فحتى كلماته أدانته ..
اطل برأسه من الغرفة ولما لم يجد أحد يعوق طريقه ،استجمع خراقته وأسرع بالخروج.
بعد أن لامست قدماه ارض الشارع ،تنفس الصعداء، وأنطلق إلى بيت صديق له، كان أباه قد منعه من التردد عليه، أو مصاحبته....يعلم أن أباه لن يصل إليه هناك.
استقبله الصديق بنظرة دهشة تلاشت تدريجياً مع شرح الوضع ....
"أعرف أنك تستقبل أصحابك بالبيت.......
فقط عدة أيام حتى أتدبر أمري ...لن يمانع أبواك أليس كذلك ؟؟؟؟؟"
"كم تملك من المال؟؟؟ "
"ما يكفي لمدة أربعة اشهر على الأقل ، وهذا الجهاز ....."
"لا مانع من بقائك والدي مسافران إلى ستوكهولم لحضور مؤتمر عن حقوق الإنسان...تصور سيناقشان حقوق الأبناء!!!!"
"كم سيغيبا؟؟؟؟"
"أمامها فترة أسبوعان بعدها يمكنك أن تذهب لشقتنا المجاورة فهي مخصصة لي من أجل المذاكرة واستقبال أصدقائي لكن الغرض الأخير فقط هو ما تُفتح من أجله "
"سأعيش حياتي بحق هذه الأيام أشعر بهذا ..." هكذا حدثته نفسه الشقية .
دخن كما لم يدخن من قبل .... فعل كل ما شعر أنه سيغضب أباه لو علم بأمره .
ثم بدأ مرحلة جديدة من حياته بالأحرى أنزلق إلى مستنقع آخر ...تعرف على الأفعى الناعمة (المخدرات).. التي سرعان ما أحاطت به تعتصره عرف كيفية تعاطيها، وأماكن شرائها، وأماكن تعاطيها، التي لم تقل بذاءة عن أماكن بيعها ...
شيء واحد بدأ يضايقه ويشعره أنه ليس على ما يرام ...
نفاذ المال .....وفي وقت أقصر مما توقع .....
"ما كان صديقي ليرفض إقراضي فأنا أنفق عليه منذ أقمت هنا ..."
خاب ظنه فقد طلب منه صديقه المخلص أن يرحل بحجة واهية عن أن أباه قد باع شقة المذاكرة عندما رآه لا يستخدمها بهذا الغرض .
هكذا غادر صديقه المزعوم وفائه إلى الشارع لا يدري ماذا يفعل، ولا إلى أين يذهب، خطر إليه أن يذهب إلى المنزل، وقبل أن يقرر أن ذلك مستحيل الحدوث ، صرخ جسمه مقاطعا تساؤلاته مطالباً إياه بالسم الذي يعطيه إياه ....
ذهب ليشتري المخدرات ، ولم يجد ما يشتريها به سوى ساعته ..تذكر يوم أعطاه والده إياها ، لم يرد أن يتخلى عنها لكن جسده يتمزق،وكانت هي كل ما بقي معه ،وبعد فترة أفاق من الخدر وأخذ يمشي في الشوارع لا يعرف إلى أين تقوده قدماه إلى أن وجده أمامه ... بيته...
"بيتنا ..."أخذ عقله يلوك الكلمة وكأنه يتعرف عليها للمرة الأولى ...
أحس بالتعب والإرهاق والشقوة وتوقف طويلا يفكر ما الذي فعله أباه به؟ ..لا بل ما الذي فعله هو بنفسه؟.....
تجمعت الدموع في عينيه ....فليصعد ويتحمل ما سيفعله أباه به .....
عليه أن يعترف لقد اخطأ التقدير قليلاً...
صعد فوجد البيت خاليا توجه إلى غرفته وارتمى على سريره واستسلم للنوم .....لكنه سرعان ما استيقظ على صراخ عالي..
أفاق ليجد أمه تهزه بقوة وتضربه على صدره ولا تزال على هذه الحال حتى تدخل خاله، فيجذبه عمه ليوقفه على قدميه، ويصفعه بقوة وهو لا يستوعب شيء مما يحدث .....
لماذا تصرخ فيه والدته ؟...
لماذا صفعه عمه ؟....
أين أباه ؟....
لماذا تجمع أقاربه ؟....
ولماذا يرتدون السواد ؟.......
فجأة أستوعب الموقف غص حلقه ببكاء عينيه وسقط مغشياً عليه .
أفاق ليجد نفسه بغرفة أشبه بغرف المستشفيات أجال بصره بالمكان ليجد خاله يقول له:
" بمصحة للإدمان إذا كنت تتساءل أين أنت ..... كان هذا قرار عمك فوالدتك لا تقوى على فعل شيء "
"هل مات يا خالي ؟؟؟...أبي، هل مات؟؟"
"...........................نعم أعياه ذهابك.............. و أمات قلبه المريض أن لم يجدك .."
انخرط الفتى ببكاء حارق ، نظر إليه خاله وعلى وجهه تعبير فلسفي حزين ً ،واخذ يفكر" ترى ما العمل مع ذلك الأحمق؟ كيف سيواجه نفسه قبل أن يواجه العائلة والمجتمع؟".
أراد أن ينطق بعض العبارات الجارحة ليلومه لكنه أمسك عن ذلك....إن قسوة ندمه حيث لا ينفع الندم ، به من العقاب ما يجعل خاله يقترب من حد الإشفاق عليه ..
يكفي فقده لأحد أبواب جنته ...و أنه لن يجد من يعوض عليه ذلك الصدر، الذي طالما حمل له بين جنباته حباً أكبر من أن يوصف، ولا ينتظر مقابل ، لأنه حب من نوع خاص ....حب يختلف .

ليزيد أو لن يزيد تلك هي المشكلة

2008-03-23T20:07:00.000-07:00

قم للمعلم وفيه التبجيل
وقف المعلم يبتغي التعديل
لمبلغ لدى الصراف يقبضه
يقال راتبه
مال للمرتب قد استحال ضئيلا
بين البحوث تناثرت أشلائه
و لعياله ينشد التأكيل
قد أضرب الأستاذ كي ما ينال مطلبه
عل فؤاده بالهموم لا يصير ثقيلا
كم ابتغى أفقا للعلم يكتنفه
ويصير بالعلم علما أو ربما قنديلا
قد كان يحلم فاستحال الحلم
جاثوم يؤرقه..
قد أصبح الحلم تحت الضغوط قتيلا
حاق السعار بما اشتراه وماله
ما عاد يصلح أن يكون كفيلا
أفإن تراه لدى الشراء يحزنك
كم يبدو راتبه لدى الحياة هزيلا
وهل يجازى معلم بمثل راتبه
ما بالهم إن أرادوا بمعلم ٍ تنكيلا

اساتذنا يقف لتنجلي كرب عظام

بدربه قد صار دربه بالجسام عليلا

لا علم يرجوه ليرفع قدره

فالعلم غالٍ ما إليه سبيلا

أفمعيبة أن يطلب الانصاف قدر حوائجه

أن يشكو حالته من التقليلا

قم للمعلم وفيه التبجيل

يرجو المعلم لحاله التبديلا

ـــــــــــــــــــــــــــــــــــــــــــــــــــــــــــــــــــ

الصور لإضراب أعضاء هيئة التدريس بجامعة الأسكندرية أمام مبنى جامعة الأسكندرية

للمطالبة بمطالبهم المشروعة

1-عودة شيوخ الأساتذة فوق السبعين عاماً إلى ما قبل القانون رقم 82لسنة 2000،وإلغاء هذا القانون .

2-زيادة فورية في الأجر الأساسي بحيث يتضاعف الراتب الفعلي الأجمالي لأعضاء هيئة التدريس ومعاونيهم

بنسبة 100% وذلك كخطوة أولى نحو تحقيق جدول المرتبات المقترح من المؤتمر الرابع .

3-زيادة الدعم الحكومي للجامعات العامة القائمة وإنشاء جامعات حكومية جديدة لتقليل

الكثافة الطلابية من أجل الارتقاء بمستوى التعليم والبحث العلمي .

4-إنشاء صندوق تكميلي لمعاشات هيئة التدريس.

التقطتها بجوال صديقتي (شكر خاص لها ... ربنا ما يحرمها مني )

يسموه ايه ده

2008-03-20T14:26:00.000-07:00

من أولى المواقع التي ارتدتها عند دخول عالم النت إلى بيتنا موقع د.زغلول النجار

وأعجبني الموقع للغاية ما عدا بعض الأخطاء الأملائية كان من الممتع فعلا متابعة المقالات عليه ....وقد يقال الكثير عن مقالاته لكني لم أجد ردا علميا يضحد ما يذهب إليه د.زغلول في مقالاته .....إلي ذلك الحين الذي أجد ما يضحد (اسمها يدحض يا فالحة وبتكلمي عن الأخطاء الأملائية ) تلك المقالات فأن برأيي الخاص أجد مقالاته جميلة وأراها مفيدة بوجهة نظري ......وأحب هذا الموقع

بعد فترة أعدت برمجة الجهاز وبالتالي فقدت المواقع المفضلة

لأعود بعدها بفترة طويلة للبحث عن هذا الموقع

بعد أن أستمعت إلى أحد المحاضرات للدكتور التي تتحدث عن الأسلام وأنتشاره ومحاربته ومحاربة إنتشاره عن طريق المصادفة ......

وعدت لأتباع نفس الطريقة التي وجدته بها أول مرة كتبت أسم الدكتور على محرك البحث جوجل ليظهر الموقع الرسمي للدكتور مترأسا عناوين نتائج البحث لكن هذه المرة أختلف الأمر كثيرا

هناك تنيبه هام :أن هذا الموقع يضر بجهاز الكومبيوتر الخاص بك وعليك أن أردت المتابعة المتابعة على مسؤليتك الخاصة حسنا خضت المغامرة وولم أجد ما يضر بحاسبي .....نفس المقالات والأعتزاز بالأسلام...... ورجل يحترم

دينه و يحبه .......بنفس الأربع لغات الأخرى لرؤية الموقع لم يزد عليهم العبرية مثلا

لا شيءغير معتاد ......

لا أعرف ما اقول حقا فما يحدث لا أعرف له أسما كي أتحدث عنه

شكر خاص للدكتور أحمد (وجه جديد)للتنبيه على ما كتب سهوا من أخطاء إملائية....

بلدي

2008-03-19T14:21:00.000-07:00

تعرفي لما أحبك جامد
وألقى في حبك ده أحزان
لما أحس بحبك فيا
دم بيجري في الشريان

تعرفي لما أدوب في هواكي

وألاقي معاكي

أوجاع قلبي

وأرضى أضحي بروحي فداكي

لما عشانك قلبي يعاني

يدفن فيك أغلى أماني

علشان بس يعيش جواكي

نفسه يلاقي في قلبك فرحه

تمسحي دمعه وتداوي جرحه

يعيش أحلامه فحضنك لما

تحوشي القهر اللي كثير دبحه

تعرفي لما ملامحك تبقى عشقي وهمي

لما أحسك غالية يا بلدي كأنك أمي

لما حمولك تكسر حلمي

لما أحس بلادي في حضنك أني غريب

حبي هواكي نوع مالتعذيب

وأنا جواكي فعز الغربة وتوهتي وألمي

يفضل برده عشق ترابك يجري في دمي

جوا عذابك مسجون فرحي

ويا ريتني أقدر عا السجان

تعرفي لما أحبك جامد

وألقى في حبك ده أحزان

لما أحس بحبك فيا دم بيجري في الشريان

فاشل

2008-03-18T11:36:00.001-07:00

-فشل في اللحاق بصفوف المتفوقين ...وفشل

في أن يكون من أصحاب الوسائط ...كذلك

فشل في العثور على عمل يناسب طموحاته ...وفشل

في أن يكيف نفسه بعمله كما فشل راتبه في أن يغطي

نفقاته الأساسية ....حاول أن ينتحر ...لكنه فشل أيضا في

الانتحار ،وعندما أفاق أخبرته بألا يفعل ذلك ثانية ....فلا يوجد قبر

لأضع به جثمانه ...وعليه إن أراد أن يكرر الأمر أن يشتري قبر

أولا ً ...يمكنه عمل جمعية ليدفع المقدم والباقي على أقساط ...وعندما

ينتهي من دفعها يكون في إمكانه الموت كما يشاء ..

-ماذا فعل بعدها ؟؟

-فشل في الاحتفاظ بعقله

صفحة من مذكرات طالبة ثانوي...

2008-03-18T11:15:00.000-07:00

هذه الصفحة كتبتها في ايام الدراسة الجميلة ....ويا له من زمن بعيـــــــــــــــــــــد

وهي مشهد قد يحدث بعضه ..
او قد لا يحدث بالمرة.....
فقط احببت أن انوه ان هذا ليس الحال في جميع الأحوال....
وان أستثني كل من علمني حرفا واضاف لي شيئا وهم كثيرون للغاية

واعتذر لمن أسأت أليهم من معلميّ الافاضل .......
فقط أردت أن أعرض صفحة من مذكرات طالبة ثانوي.....

وأخيرا أساتذتي الأفاضل شكرا

"إحنا أصحاب وبنتفق في كل حاجة حتى المدرس الخصوصي اللي بنستعمله....."
"و مخك ؟؟؟؟؟....."
"وقف" " وقف" " وقف"

يوم السبت :
أكثر الأيام بعدا عن قلبي لأنه بداية الاسبوع الدراسي
صحيت من النوم بمعجزة عشان أروح ذلك المشوار العقيم السقيم للتمتع بالتعليم
طبعا طالبة في حقل التجارب (ثانوية عامة ) زيّ لازم تاخد وقتها عقبال ما تروح المدرسة ...
ايه يعني أتأخرت خمس دقايق عمي لكن الحقيقة المدرسين لطاف جدا و بيحترمونا جدا جدا تصوروا
كانو بيقفو للمتأخريين بنفسهم( امال يعني يسيبوا متعة الفرجة علينا متذنبيين لمين بس ؟)
"انت يا بت "
"ايوة يا ابلة"
"انت يا مزغودة في قلبك اتاخرت ليه ؟"....اهو الواحد لو مش عايز يتأخر لازم يتاخر عشان
يسمع الابلة وهي بتقول يا "مزغودة في قلبك" بتلك الطريقة الحالمة
" اصل يا ابلة..."
"كمان بتردي عليا بتقوليلي اصل يا قليلة الأ......."
¤¤¤¤¤¤¤¤¤¤¤¤¤¤

طلعت حضرت الحصة الأولى في آخرها بعد التذنيب ...
كتر خيرهم حرموني من حصة الـ ......الحقيقة منقدرش نسميه انجليزي قوي ممكن نقول عليه انجليزي بورتريكي .......
الظاهر ان ده الانجليزي بعد ماطورو المنهج
الحصة الثانية :
مش مهم تدرس فيها ايه طالما بتتعلم منها معنى النظرية النسبية ازاي الدقيقة ممكن تعدي عليك كانها شهر
الحصة الثالثة :
دخلنا عبقري الكمياء يــــــــــــــــاه على دي حصة فيها تحضير شوية غازات من اللي مناخيركم تحبها...
الحصة الرابعة:
معجزة المدرس غايب
يا فرحة ما تمت جه بعد خمس دقايق من إذاعة الاشاعة المغرضة اللي تسببت في احداث بلبلة وشغب بين المواطنات
(خصوصا ان الصدمة كانت هاترجع النوبة لبعض الطالبات اللي خارجين طازة من المصحة النفسية )
فسحة:
هييه تررن ترررن......اطلعوا فصولكو..يلا
ملحوظة: لسه منزلناش الحوش عشان نطلع
الخامسة:
طبعا الواحد لازم يتربى وطني ويعيش وطني ويموت وطني ولما مدرس التربية الوطنية شاف اننا مررنا بالمرحلتين
التربية والمعيشة الوطنية الظاهر قرر اننا لازم دلوقتي نموت..............................وطني
...دسة:
حصة ماعرفش الحقيقة بيدرسولنا فيها ايه لكن اكيد مادة مهمة اصل أكيد مش هايحوطولنا مادة كدة مالهاش
لازمة....
إلا العلم والباذنجان .............
والمادة ان ماكانش عشان نفهمها ونطبقها في الحياة يبقى عشان يكبسو بيها على نفسنا .................

يوم السبت من مذكرات طالبة ثانوي

معلهشي خلاص ...ماقولنا معلهش

2008-03-16T14:28:00.000-07:00

ومعلهشي
ما يمنعشي...لورا تمشي
وتتخبط و تتلخبط
يفور دمك وتتنطط
وتصحى الليل وماتنامشي
أخينا أصله مقصدشي فمعلهشي
تعيش مخنوق تعيش محروق ماتفرقشي
لأن الفعل بالنية ..وكان ناوي مايغلطشي
أقولك لأ هاتتحاسب
توقولي أصلي ماعرفشي
راح أتبهدل مايرضيكشي
فمعلشي
لأ أتبهدل أنا وياك وتفلقني
مافيش مانع تهزأني
وتعمل كل ما بدالك
مافيش حاجة هاتجرالك
آه يا جمالك ..ماهو أصلك قولت معلهشي
مصاير ناس تشحورها
وكام قصة تحورها
خواطرنا تكّسرها
لكن برضه نقول الحق
واجهناه ما أنكرشي
وقال..يعني.. فيه إنسان مايغلطشي؟
سامحوني أصلي مدرتشي
فمعلهشي

و معلهشي

كلمة تغيظ تجيب اللوم

من الظالم على المظلوم

أصل يا عيني الظالم

حس وقاله معلهشي

عايز ايه تاني مش فاهم

المفروض مايزعلشي

مش قولناله معلهشي

أخص عليك يا عفيفي ....عض قلبي ولا تعض رغيفي

2008-03-15T14:52:00.000-07:00

اخص عليك بقى كده يا عفيفي

عايز تاخد مني رغيفي

دانا جايبه بحرقه تلافيفي

سايب شغلي و كل ما أملك

واقف في طابور خنقة ومهلك

علشان حبي وعيني وكيفي

علشانه هو .....هو رغيفي

واقف في طابور زحمة ومضني

متحمل اذلال بيكيدني

علشان خاطر المح طرفه

احس بحرفه

على ايدي قبل التخطيفي

عايز تاخد مني حبيبي اللي انا بهواه

ويوماتي انا باستناه

بالساعة وأتنين وتلاتة

واعاني غتاتة

ومن ده تباتة

وحر الفرن يخلي دماغي في عز شتايا يحس بصيفي

واقف في طابور طالع عيني

هو العيش اللي مخليني

حابب أصبر...

لاجل ما يظهر...

بدر منور...

يمكن ناقص وزنه شوية

يمكن قمحته حبة قديمة

بس أنا راضي ...ده قدري في حبي

يمكن ممكن تاخد قلبي لكن عيشي ....

ده تخريفي

بعد ده كله تقولي اخوات لاجل ما تاخد مني رغيفي

اخص بجد عليك يا عفيفي

الشمس تشرق من جديد

2008-03-14T17:35:00.000-07:00

بدأ الوعي يتسلل بخفة إلى عقلي ، في حين لم يكف جرس المُنبه
عن إخباري بأنه يجب أن أفتح عينيّ ،وأنهض ،لأعيش يوماً آخر قد يشبه
أمس ،وقبل الأمس ،ويشبه يوماً آت بالغد ،وأقضي بالأمس وباليوم
ساعات عمري.......
وامضي بالعمر الضائع إلى حيث لا أدري ........
حتى تقف بي الأحداث ويتجمد الزمن في لحظة بي لأصبح في عالم آخر.
نهضت من السرير متثاقلة نظرت إلى المرآة ليطل علي نفس االشخص ..
وتخبرني عيناي بأشياء أخبرتني إياها بالأمس ..نفس الأحزان ونفس الفكر ....
هيا لنعاود كرة أمس ....
وأدور أدور بمداري ككرة أرضية حول الشمس.....
وأعود لأضع رأسي بين ثنايا وساداتي وأنـــــــــــــام..
أنام ليندس برأسي خيلات لحلم متكرر....
لكن مهلاً أين الحلم ؟؟؟
ماهذا بحلمي ما عدت أراه ......حلمي يتلاشى ويظهر حلم آخر ....
حلم آخر؟؟؟؟ هل قلت حلم آخر ؟؟.....
يتغير الحلم ويتبدل .......وأرى الأشياء بصور أخرى صور جديدة ....
أتوقف برهة لأتفكر .....
ألأحلامي أن تتغير ؟؟؟؟...
كنت أظن ....ما كنت أظن ؟؟؟أكنت أظن أن لا تبديل ولا تغيير ولا
آمال لتتحقق ما هذا بظن ...
بدا معنى جديد يتسلل إلى عقلي مع حلمي الآخر ..فمادام النفس
يتردد ومادام هناك يوم آخر فاللآمال أن تتحقق وللأحلام أن تنمو
للأفكارلتتطور ...
استيقظت وانا أحس أنفاسي تنحبس انبهاراً بتلك اللحظة ....
وكأن الصوت يزلزلني ...
يتغلغلني ...ليغسلني ...
"الله أكبر ..الله أكبر"
نداء الفجر.....
ما أحلاه ...ماذا يحدث؟؟؟
في لحظة من أحلى لحظات العمر....
شعرت وكأني أخرج من رحم حياتي السابقة إلى حياة جديدة ..
أشعر وكأني انسانة أخرى ...
"الصلاة خير من النوم "
نهضت وصليت ..ولأول مرة استمتع بشدو عصافير بالجوار لعلي لم ألحظها
من قبل ....
أرى إشراقة الشمس بألوان أخفتها عن عينيّ أفكاري السابقة ...
أرى الشمس تشرق من جديد ...أشعر بنسائم حلو الدهر .